ચીન સાથે સરહદ પર તણાવની વચ્ચે સંરક્ષણ માટે બજેટમાં મામૂલી વધારો

નવી દિલ્હી, સરકારે નાણાકીય વર્ષ 2021-22ના બજેટમાં રક્ષા ક્ષેત્રમાં સામાન્ય વધારો કરતા કુલ 4 લાખ 78 હજાર 195.62 કરોડ રૂપિયાની ફાળવણી કરી છે જ્યારે ગયા વર્ષે આ રૂપિયા ચાર લાખ 71 હજાર 378 કરોડ રૂપિયા હતા.

નાણા મંત્રી નિર્મલા સીતારામને સોમવારે સંસદમાં બજેટ રજૂ કરતા કહ્યુ કે રક્ષા ક્ષેત્ર માટે કુલ 4 લાખ 78 હજાર 95.62 કરોડ રૂપિયાની ફાળવણી કરવામાં આવી છે. જેમાંથી 3 લાખ 37 હજાર 961.49 કરોડ રૂપિયા મહેસૂલ માટે તથા એક લાખ 40 હજાર 234.13 કરોડ રૂપિયા મૂડી ખર્ચ માટે ફાળવવામાં આવ્યા છે.

તેમણે કહ્યુ કે રક્ષા બજેટનુ એક લાખ 15 હજાર 850 કરોડ રૂપિયાનો ભાગ પેન્શન માટે હશે. કુલ બજેટમાં લગભગ 7 હજાર કરોડ રૂપિયાની સામાન્ય વધારો કરવામાં આવ્યો છે. જો પેન્શન માટે ફાળવાતી રકમને હટાવવામાં આવે તો રક્ષા ક્ષેત્ર માટે બજેટ માત્ર ત્રણ લાખ 63 હજાર કરોડ રૂપિયાની આસપાસ બચે છે.

ચીનની સાથે છેલ્લા દસ મહિનાથી પણ વધારે સમયથી ચાલી રહેલા ગતિરોધને જોતા એ માનવામાં આવી રહ્યુ હતુ કે રક્ષા ક્ષેત્ર માટે બજેટમાં સારા નિયમ કરવામાં આવશે પરંતુ કોરોના મહામારીને જોતા આને વધારે વધારવામાં આવ્યુ નથી. આનાથી રક્ષા ખરીદ અને સેનાઓના આધુનિકીકરણ પર અસર પડવાની સંભાવના છે.