ચેન્નઈ સુપર કિંગ્સે કોલકાતાને છ વિકેટે પરાજય આપ્યો
દુબઈ: ઓપનર ઋતુરાજ ગાયકવાડની અડધી સદી બાદ અંતિમ ઓવરમાં રવીન્દ્ર જાડેજાએ ફટકારેલી સળંગ બે સિક્સરની મદદથી ચેન્નઈ સુપર કિંગ્સે ગુરૂવારે દુબઈ ખાતે રમાયેલી મેચમાં કોલકાતા નાઈટ રાઈડર્સ સામે છ વિકેટે રોમાંચક વિજય નોંધાવ્યો હતો.
આ પરાજય સાથે આઈપીએલ ટી૨૦ ક્રિકેટ ટુર્નામેન્ટની ૧૩મી સિઝનના પ્લેઓફમાં પહોંચવા માટે કોલકાતાની મુશ્કેલીઓ વધી ગઈ છે. કોલકાતા હાલમાં ૧૨ પોઈન્ટ સાથે પાંચમાં ક્રમે છે. ૧૭૩ રનના લક્ષ્યાંકને ચેન્નઈએ મેચના અંતિમ બોલ પર પાડ્યો હતો અને ચાર વિકેટે ૧૭૮ રન નોંધાવીને રોમાંચક બનેલી મેચ જીતી લીધી હતી.
ઋતુરાજ ગાયકવાડ અને શેન વોટસનની જોડીએ ૫૦ રનની ભાગીદારી નોંધાવી હતી.
અગાઉ કોલકાતાએ નિતિશ રાણાની અડધી સદીની મદદથી પાંચ વિકેટે ૧૭૨ રનનો સ્કોર નોંધાવ્યો હતો. ૧૭૩ રનના લક્ષ્યાંકને પાર પાડવા મેદાનમાં ઉતરેલી ચેન્નઈની શરૂઆત સારી રહી હતી. ઋતુરાજ ગાયકવાડ અને શેન વોટસનની જોડીએ ૫૦ રનની ભાગીદારી નોંધાવી હતી.
ત્યારબાદ ઋતુરાજે અંબાતી રાયડૂ સાથે પણ ૬૮ રનની મહત્વની ભાગીદારી નોંધાવી હતી. એક સમયે ચેન્નઈએ ૧૩.૪ ઓવરમાં બે વિકેટે ૧૧૮ રન નોંધાવી દીધા હતા અને ટીમ આસાનીથી જીતી જશે તેવું લાગી રહ્યું હતું.
ઋતુરાજે ૫૩ બોલમાં ૭૨ રન ફટકાર્યા હતા જેમાં છ ચોગ્ગા અને બે સિક્સર સામેલ હતી.
પરંતુ બાદમાં કોલકાતાના બોલર્સે વળતો પ્રહાર કર્યો હતો અને ચેન્નઈને વિજય માટે ઘણી મહેનત કરવી પડી હતી. શેન વોટસને ૧૪ રન નોંધાવ્યા હતા જ્યારે રાયડૂએ ૨૦ બોલમાં પાંચ ચોગ્ગા અને એક સિક્સર સાથે ૩૮ રનની ઈનિંગ્સ રમી હતી. ઋતુરાજે ૫૩ બોલમાં ૭૨ રન ફટકાર્યા હતા જેમાં છ ચોગ્ગા અને બે સિક્સર સામેલ હતી.
જાડેજાએ ૧૧ બોલમાં બે ચોગ્ગા અને ત્રણ સિક્સરની મદદથી અણન ૩૧ રનની ઈનિંગ્સ રમી હતી.
અંતિમ ઓવરમાં જીતવા માટે ચેન્નઈને ૧૦ રનની જરૂર હતી. જ્યારે અંતિમ બે બોલ પર ચેન્નઈને સાત રનની જરૂર હતી ત્યારે રવીન્દ્ર જાડેજાએ નાગરકોટીના અંતિમ બે બોલ પર બે સિક્સર ફટકારીને ટીમને વિજય અપાવ્યો હતો. જાડેજાએ ૧૧ બોલમાં બે ચોગ્ગા અને ત્રણ સિક્સરની મદદથી અણન ૩૧ રનની ઈનિંગ્સ રમી હતી.
કોલકાતા નાઈટ રાઈડર્સે નિર્ધારીત ૨૦ ઓવરમાં ૫ વિકેટે ૧૭૨ રનનો સ્કોર નોંધાવ્યો હતો.
કોલકાતા માટે પેટ કમિન્સ અને વરૂણ ચક્રવર્તીએ બે-બે વિકેટ ઝડપી હતી. અગાઉ ઓપનર નિતિશ રાણાની આક્રમક અડધી સદીની મદદથી કોલકાતા નાઈટ રાઈડર્સે નિર્ધારીત ૨૦ ઓવરમાં ૫ વિકેટે ૧૭૨ રનનો સ્કોર નોંધાવ્યો હતો. પ્રથમ બેટિંગનું આમંત્રણ મળ્યા બાદ શુભમન ગિલ અને નિતિશ રાણાની ઓપનિંગ જોડી મેદાનમાં આવી હતી. આ જોડીએ ટીમને શાનદાર શરૂઆત અપાવી હતી. ગિલ અને રાણાએ ૫૩ રનની ભાગીદારી નોંધાવી હતી. જોકે, ગિલ સેટ થઈ ગયા બાદ આઉટ થઈ ગયો હતો.
તેણે ૧૭ બોલમાં ચાર ચોગ્ગા સાથે ૨૬ રન નોંધાવ્યા હતા. ગિલ આઉટ થયા બાદ બાકીના ખેલાડી વધારે સમય ક્રિઝ પર ટકી શક્યા ન હતા. સુનીલ નરૈન સાત અને રિન્કુ સિંહ ૧૧ રન નોંધાવીને આઉટ થઈ ગયા હતા. જોકે, રાણાએ એક છેડો જાળવી રાખ્યો હતો. તેણે ૬૧ બોલમાં ૧૦ ચોગ્ગા અને ચાર સિક્સરની મદદથી ૮૭ રનની ધમાકેદાર ઈનિંગ્સ રમી હતી.
જ્યારે અંતિમ ઓવર્સમાં દિનેશ કાર્તિકે આક્રમક બેટિંગ કરીને ટીમનો સ્કોર મોટો બનાવ્યો હતો. કાર્તિકે તાબડતોબ બેટિંગ કરતા ૧૦ બોલમાં ત્રણ ચોગ્ગા સાથે અણનમ ૨૧ રનની ઈનિંગ્સ રમી હતી. જ્યારે કેપ્ટન ઈયોન મોર્ગને પણ ૧૫ રનનું યોગદાન આપ્યું હતું. ચેન્નઈ સુપર કિંગ્સ તરફથી લુંગી નગિડી સૌથી સફળ બોલર રહ્યો હતો. તેણે ચાર ઓવરમાં ૩૪ રન આપીને બે વિકેટ ઝડપી હતી. જ્યારે મિચેલ સેન્ટનર, રવીન્દ્ર જાડેજા અને કર્ણ શર્માને એક-એક સફળતા મળી હતી.
