ચોમાસા અને શિયાળાની ઋતુમાં કોરોનાનું સંક્રમણ વધી શકે છે
એપ્રિલ અને જૂન દરમિયાન ૨૮ રાજ્યોમાં કોરોનાના સંક્રમણ અંગે તુલના કરવામાં આવી, ગરમી વધતાં સંક્રમણ ઘટતું હોવાનો સંશોધનમાં દાવો કરાયો
નવી દિલ્હી, દેશમાં દરરોજ હવે કોરોના વાયરસનો ચેપ ખૂબ જ ઝડપથી વધી રહ્યો છે. ચેપના નવા કેસોના રેકોર્ડ રોજ બની રહ્યા છે. પરંતુ નિષ્ણાતોના જણાવ્યા મુજબ ચેપની ગતિ હજુ વધુ ઝડપથી વધશે. આઈઆઈટી ભુવનેશ્વર અને એઈમ્સના સંયુક્ત સંશોધન જણાવે છે કે ચોમાસા અને શિયાળામાં કોરોના ચેપ વધુ ઝડપથી વધશે.
સંશોધન મુજબ, પારો ઘટતાં ચેપનો દર નોંધપાત્ર રીતે વધશે અને તે તેની ટોચ પર પહોંચી શકે છે. આઇઆઇટી ભુવનેશ્વરના સમુદ્ર અને આબોહવા વિજ્ઞાનના સહાયક પ્રોફેસર વી વિનોજ કહે છે કે સંશોધનમાં જાણવા મળ્યું છે કે વરસાદ અને ઠંડકને લીધે દેશમાં કોરોના ચેપના પ્રમાણમાં નોંધપાત્ર વેગ આવી શકે છે.
આ અહેવાલનું નામ છે “ભારતમાં ફેલાયેલા કોવિડ-૧૯ અને તાપમાન તથા સંબંધિત ભેજ પર તેની નિર્ભરતા”. અહેવાલમાં એપ્રિલ અને જૂન વચ્ચે ૨૮ રાજ્યોમાં કોરોના ચેપ અંગેની માહિતીની તુલના કરવામાં આવી છે. ડોક્ટર વિનોઝે કહ્યું હતું કે સંશોધનથી એવું પણ બહાર આવ્યું છે કે વધતા તાપમાન સાથે કોરોનાનું પ્રસારણ ઘટશે. ડો.વિનોઝના મતે, એક ડીગ્રી પારામાં વધારો થવાના પરિણામે સંક્રમણમાં ૦.૯૯% નો ઘટાડો થયો છે.
સંશોધનમાં એવું પણ બહાર આવ્યું છે કે ભેજમાં વધારો ચેપના દરને ઘટાડે છે અને સંક્રમણ બમણા થવાનો દર ૧.૮ દિવસ થાય છે. તેમ છતાં સંશોધનકારો કહે છે કે આ સંશોધન ઉચ્ચ ભેજની શરૂઆત વખતે થયું નથી, તેના ચોક્કસ પરિણામ જાણવા માટે વધુ સંશોધન જરૂરી છે. દેશમાં કોરોના વાયરસના સંક્રમણના કેસો હવે ૧૦ લાખને વટાવી ગયા છે. હાલમાં, કોરોના વાયરસથી સંક્રમિત લોકોની સંખ્યા ૧૦.૮ લાખ પર પહોંચી ગઈ છે. જ્યારે અત્યાર સુધીમાં ૨૬૮૧૬ લોકો ચેપને કારણે મૃત્યુ પામ્યા છે. સારી બાબત એ છે કે કોરોના વાયરસગ્રસ્તોના સ્વસ્થ થતા લોકોની સંખ્યા ખૂબ ઝડપથી વધી રહી છે. ૬.૭૭ લાખ કોરોના ચેપગ્રસ્ત થઈ ગયા છે અને તેમના ઘરે પહોંચ્યા છે.
