જંબુસર નગરપાલિકાના વોર્ડ નંબર-2 ના સદસ્ય ઉપર સમાજના બે યુવાનો દ્વારા હુમલો

અને તે ફેસબુક પર વિશાલ પટેલે પોસ્ટ શેર કરી હતી.જે પોસ્ટ જોઈ દુર્ગા બહેનના પૌત્ર વિપુલ પટેલ તેમને આ પોસ્ટ ન ગમતાં પોસ્ટની બિભત્સ કોમેન્ટ કરી નગરપાલીકા સદસ્ય વિશાલ પટેલને જાનથી મારી નાંખવાની ધમકી આપી હતી.જે બાદ આજરોજ વિશાલ પટેલ નગરપાલિકા ખાતે હોય વિપુલભાઈ પટેલ તથા તેનો ભાઈ પ્રણય ઉર્ફે પલ્લુ પટેલ લાકડી અને ડમ્બેલ્સ લઈ ધસી જઈ વિશાલ પટેલ પર હુમલો કરી માથાના ભાગે તથા પીઠના ભાગે માર મારી ઈજા પહોંચાડી હતી તેમ વિશાલ પટેલ દ્વારા જણાવાયું હતું.

ઈજાગ્રસ્ત વિશાલ પટેલને સારવાર અર્થે જંબુસર રેફરલ હોસ્પિટલ ખાતે ખસેડવામાં આવ્યા હતા.જ્યાં પ્રાથમિક સારવાર બાદ તેઓને વધુ સારવાર અર્થે વડોદરા રીફર કરવાની તજવીજ હાથ ધરાઈ હતી.આ સહિત નગર પાલિકા સદસ્ય વિશાલ પટેલના ભાઈ નૈશધ પટેલને સદર બનાવની જાણ થતા તેઓ નગરપાલિકા ખાતે જતા હતા.તે સમય દરમ્યાન વિપુલ પટેલ તથા પલ્લુ પટેલે નૈશધ પટેલ પર હુમલો કરી માર માર્યો હોય બચાવ માટે પોલીસ સ્ટેશન પહોંચ્યા હતા અને સારવાર માટે રેફરલ હોસ્પિટલ ખાતે પહોંચ્યા હતા.સદર બનાવની જાણ વાયુવેગે ગામમાં પ્રસરતા કિસ્સો ટોક ઓફ ધ ટાઉન બની હતી.