JNU યુનિવર્સિટી કેમ્પસમાં માંસાહારી ભોજનને લઈને બે વિદ્યાર્થી સંગઠનો વચ્ચે વિવાદ

નવીદિલ્હી, જવાહરલાલ નેહરુ યુનિવર્સિટી (JNU) કેમ્પસમાં માંસાહારી ભોજનને લઈને બે વિદ્યાર્થી સંગઠનો વચ્ચે વિવાદ થયો હતો. પ્રાપ્ત માહિતી અનુસાર, આ મામલો શુક્રવાર રાતનો છે. જણાવવામાં આવી રહ્યું છે કે નવરાત્રિ દરમિયાન ઉપવાસ કરી રહેલા વિદ્યાર્થીઓએ હોસ્ટેલ મેસમાં માંસાહારી ભોજન પીરસવા સામે વાંધો ઉઠાવ્યો હતો.

JNUમાં નોન વેજ ખાવાને લઈને વિવાદ થયો છે, જેનો એક વીડિયો વાયરલ થયો છે.વિહિપના પ્રવક્તા વિનોદ બંસલે જેએનયુ મેસ વિવાદ પર નિવેદન જારી કરીને કહ્યું છે કે કેટલાક ઉગ્રવાદીઓ દ્વારા પ્રચાર કરવામાં આવી રહ્યો છે. તેમણે કહ્યું કે દરેકને ખાવાની આઝાદી છે, પરંતુ કેટલાક વિદ્યાર્થીઓ રામ નવમીના દિવસે ત્યાં પૂજા કરી રહ્યા હતા.

તેથી ડાબેરી સંગઠનના વિદ્યાર્થીઓએ ત્યાં વિરોધ કર્યો હતો. તેણે કહ્યું કે કોઈ પણ હુમલાની સામે આવ્યું નથી.
બીજી તરફ જેએનયુના પૂર્વ પ્રમુખ સાઈ બાલાએ દાવો કર્યો છે કે એબીવીપીએ વિદ્યાર્થીઓને નોન-વેજ ખાવાનું બંધ કર્યું છે. સાઈ બાલાએ જણાવ્યું કે વિદ્યાર્થીઓને નવરાત્રિ દરમિયાન નોન-વેજ ખાવાથી રોકવામાં આવ્યા હતા.

તેણે એક વીડિયો જાહેર કરીને કહ્યું છે કે એબીવીપીએ વિદ્યાર્થીઓને મેસમાં નોન-વેજ ખાવાથી રોક્યા છે. સાથે જ એબીવીપીએ આવા આરોપોને નકારી કાઢ્યા છે. આ વીડિયો જેએનયુની કાવેરી હોસ્ટેલનો છે.

એન સાઈ બાલાએ ટ્‌વીટ કરીને લખ્યું કે એબીવીપીના ગુંડાઓએ કાવેરી હોસ્ટેલમાં વિદ્યાર્થીઓને નોન-વેજ ખાવાથી રોક્યા.

શું જેએનયુ વીસી આ ગુંડાગીરીની નિંદા કરશે ? શું હવે વિદ્યાર્થીઓનું ભોજન નક્કી થશે? મેસના સેક્રેટરીને પણ માર મારવામાં આવ્યો, આ બર્બરતા સામે ઉભા થવાનો સમય આવી ગયો છે. ભારતની વિચારસરણી પર હુમલો થઈ રહ્યો છે.HS