જ્યારે ખબર પડી કે શાહરુખ ખાન મેરીડ છે તો ખૂબ રડી હતી આ એક્ટ્રેસ
મુંબઈ: બોલિવુડ એક્ટ્રેસ ફાતિમા સના શેખે ઈન્ડસ્ટ્રીમાં ભલે થોડીક જ ફિલ્મોમાં કામ કર્યું હોય પણ તેણે લોકોનું ધ્યાન ખેંચ્યું છે. એક્ટ્રેસે ફિલ્મોમાં બાળ કલાકાર તરીકે પણ કામ કર્યું છે. તાજેતરમાં જ આપવામાં આવેલા ઈન્ટરવ્યૂમાં ફાતિમા સના શેખે જણાવ્યું કે, શાહરુખ ખાનના લગ્ન વિશે જાણી કેવી રીતે તેનું દિલ તૂટી ગયું હતું. જણાવી દઈએ કે, ફાતિમાએ ૨૦૦૧માં આવેલી ‘વન ટુ કા ફોર’માં શાહરુખ ખાન સાથે કામ કર્યું હતું.
ફાતિમા સના શેખે ફિલ્મ ‘વન ૨ કા ૪’ના શૂટિંગ વિશે વાત કરતા કહ્યું, ‘શાહરુખ ખાનને એ વાતનો અંદાજાે નહોતો કે એક પાંચ વર્ષની બાળકી તેને કેટલો પ્રેમ કરે છે. જ્યારે મને તેના મેરીડ હોવાની ખબર પડી તો મારું દિલ તૂટી ગયું અને હું બહુ રડી હતી. મારા માટે આ એક બ્રેકઅપ જેવું હતું.’
ફાતિમા સના શેખે નીતેશ તિવારીની આમિર ખાન સ્ટારર ફિલ્મ ‘દંગલ’માં લીડ એક્ટ્રેસ તરીકે ડેબ્યૂ કર્યું હતું. આના પહેલા તે ‘ચાચી ૪૨૦’, ‘બડે દિલવાલા’, ‘વન ૨ કા ૪’ જેવી ફિલ્મોમાં બાળ કલાકાર તરીકે કામ કરી ચૂકી છે. આના સિવાય તે ડિરેક્ટર વિજય કૃષ્ણ આચાર્યની ફિલ્મ ‘ઠગ્સ ઑફ હિન્દુસ્તાન’માં જાેવા મળી હતી.
ફાતિમા સના શેખ અત્યાર ડિરેક્ટર અનુરાગ બસુની ફિલ્મ ‘લૂડો’ રિલીઝ થવાની રાહ જાેઈ રહી છે. આ ફિલ્મમાં તેની સાથે રાજકુમાર રાવ, અભિષેક બચ્ચન, સાન્યા મલ્હોત્રા અને આદિત્ય રાૅય કપૂર જાેવા મળશે.
આ ઉપરાંત ફાતિમા પાસે અભિષેક શર્માની ‘સૂરજ પે મંગલ ભારી’ અને પવન કૃપલાણીની ફિલ્મ ‘ભૂત પોલીસ’ છે.
