ઝઘડિયાના મોરતલાવ ગામના શિક્ષક સાથે અલગ-અલગ કંપનીઓના લાખો રૂપિયાના વીમા ઉતારાવી ૬૫.૬૦ લાખની છેતરપીંડી
ઋતુ શર્મા નામના ઈસમે લોભામણી વાતો કરી કુલ ૧૨ પોલીસી ઈલિયાસભાઈ પાસે લેવાવડાવી હતી.ત્યાર બાદ ઈલિયાસભાઈને કોઈ એક વ્યક્તિ એ જણાવેલ કે તમે આટલી બધી પોલીસની લીધી છે તો તેનું વાર્ષિક પ્રિમિયમ તમે ભરી શકશો? ત્યારે તેમણે તેમનાથી પ્રીમિયમ નહીં ભરાઈ તેવી વાત કરી હતી અને તેમની પાસેથી ખોટી રીતે પોલીસી લેવાડવામા આવી છે તેમ તેમણે જણાવ્યું હતું.તમામ પોલીસ કેન્સલ કરાવી પોલિસીના નાણાં તમે લઈ લો તેમણે જણાવ્યું હતું. ત્યારબાદ ઇલ્યાસભાઇ પર ઘણી બધી જગ્યાએથી ૧૯ જેટલા ઈસમોના ફોન આવ્યા હતા.
જેમાં તેમણે વીમા એજન્ટ,સરકારી વકીલ,આરબીઆઈના ફાઈનાન્સ ડિપાર્ટમેન્ટ માંથી બોલું છું તેમ કહી તેમની સાથે વાતચીત કરી હતી અને તેઓને પૈસા કઢાવી આપવા યેનકેન પ્રકારે પૈસા ભરાવ્યા હતા.ટેક્સના પૈસા અને ત્યાર બાદ પોલીસી લેવા તેઓ પર દબાણ કરતા હતા.ઈલ્યાસભાઈ પાસેથી સપ્ટેમ્બર ૧૪ થી મે ૧૬ દરમ્યાન કુલ ૩૯ ચેક દ્વારા તથા એનઈએફટી દ્વારા મળી કુલ રૂપિયા ૬૫,૬૦,૨૫૧ ની છેતરપિંડી કરી પડાવી લીધા હતા.જેથી ઈલ્યાસભાઈ એ તેમની સાથે છેતરપિંડી થયાનો જણાતા તેમણે સાયબર સેલ ભરૂચમાં અરજી કરી હતી અને સાયબર સેલના માધ્યમથી ટેકનિકલ તપાસ કરવામાં આવતા ઈલ્યાસભાઈ રજવાડી પાસેથી ૬૫,૬૦,૨૫૧ જેટલા પૈસા પડાવનાર ૪૧ જેટલા ઈસમોની તેમણે કરેલા મોબાઈલ નંબર ઉપરથી તથા નાંણા ટ્રાન્સફર કરેલ બેંક ખાતા પરથી માહિતી મળી હતી.
જેથી ઈલ્યાસભાઈએ તમામ ૪૧ ઈસમો વિરુદ્ધ તેમની સાથે ગુનાઇત કાવતરું રચી એકબીજાને મદદગારી કરી એકસીસ લાઇફ ઈન્શ્યોરન્સ પોલિસી, એચડીએફસી, એગોન રેલીગર તથા રિલાયન્સ કંપની ની અલગ અલગ કુલ ૧૨ પોલીસી અને તે પોલિસીના રોકાણ કરશો તો તમને ખૂબ ફાયદો થશે તેમ જણાવી લલચામણી લોભામણી વાતો કરી તેમને વિશ્વાસ અને ભરોસો આપી લાખો રૂપિયાની માતબર રકમ ગેરકાયદેસર રીતે પડાવી લીધી હતી અને ઈલિયાસ ભાઈ સાથે વિશ્વાસઘાત છેતરપિંડી કરેલ ઈસમો જેમાં મોબાઈલધારકો તેમજ જે ખાતામાં રકમ ટ્રાન્સફર કરાવી તે ખાતા ધારકો વિરુદ્ધ ઝઘડિયા પોલીસ મથકમાં નામજોગ ફરિયાદ નોંધાવી છે.
