તારક મહેતાના પોપટલાલે ચાઈનીઝ ફિલ્મમાં કામ કર્યું છે
મુંબઈ: જાણીતો ટીવી શૉ તારક મહેતા કા ઉલ્ટા ચશ્મા જેટલો પોપ્યુલર છે એટલા જ તેના પાત્રો પણ પોપ્યુલર છે. તારક મહેતા કા ઉલ્ટા ચશ્મામાં પત્રકાર પોપટલાલનું પાત્ર ભજવતા એક્ટર શ્યામ પાઠકે ચાઈનીઝ ફિલ્મ લસ્ટ, કૉશનમાં એક્ટિંગ કરી હતી. આ ફિલ્મ વર્ષ ૨૦૦૭માં રિલીઝ થઈ હતી. વર્ષ ૨૦૦૭માં આવેલી આ ફિલ્મમાં એક્ટર શ્યામ પાઠકે જ્વેલરી શૉપકીપરનો રોલ કર્યો હતો.
અંગ્રેજી બોલતા જ્વેલરી શૉપકીપરના આ પાત્રમાં પોપટલાલ એટલે કે શ્યામ પાઠકે શાનદાર અભિનય કર્યો હતો! આ ફિલ્મમાં શ્યામ પાઠક સિવાય બોલિવૂડના દિગ્ગજ એક્ટર અનુપમ ખેર પણ જાેવા મળ્યા હતા. અહીં નોંધનીય છે કે એક્ટર શ્યામ પાઠક તારક મહેતા કા ઉલ્ટા ચશ્મા સિવાય સુખ બાય ચાન્સ અને જશુબેન જયંતિલાલ જાેષી કી જાેઈન્ટ ફેમિલી જેવી ટીવી સિરિયલમાં જાેવા મળી ચૂક્યો છે.
મૂળ ગુજરાતના એવા શ્યામ પાઠકની ઉંમર ૪૫ વર્ષ છે અને તે પરિણીત છે. શ્યામ પાઠકે વર્ષ ૨૦૦૩માં રેશ્મી પાઠક સાથે લગ્ન કર્યા અને તેમના કુલ ૩ સંતાન (એક દીકરી અને ૨ દીકરા) છે. શ્યામ પાઠકે નેશનલ સ્કૂલ ઓફ ડ્રામામાંથી અભ્યાસ કર્યો છે. તારક મહેતા કા ઉલ્ટા ચશ્મા’માં પત્રકાર પોપટલાલના પાત્રથી આજે તે ઘરે-ઘરે પ્રચલિત છે.
