તારક મહેતા…ના અંજલિ ભાભીએ શેર કરી તસવીરો

મુંબઈ, ટીવી સીરિયલ તારક મહેતા કા ઉલ્ટા ચશ્મામાં અંજલિ ભાભીનું પાત્ર ભજવનારી એક્ટ્રેસ સુનૈનાના પતિ કૃણાલ ભંબવાનીનો હાલમાં જન્મદિવસ હતો. આ અવસરે એક્ટ્રેસે પતિને બર્થડે ગિફ્ટ આપતા રોમાન્ટિક તસવીરો શેર કરી હતી. જેને ખૂબ પસંદ કરવામાં આવી રહી છે.આ તસવીરોને શેર કરતા સુનૈના ફોઝદારે લખ્યું, હેપ્પી બર્થડે મારા કૃણાલ, આપણે સાથે જે પણ પાગલપન કર્યું મસ્તી કરી, અહીંયા-ત્યાં ફરવા ગયા અને યાદો બનાવી, તે બધાને ચિયર્સ. તને ઘણી બધી મિઠાઈઓ મુબારક, ખૂબ ખાઓ પરંતુ ઝાડા ન થાઓ. તે દરેક જગ્યાએ ફરવા જાઓ ત્યાંના સપના જાેયા. પરંતુ મારી સાથે. આ પોસ્ટ તારી બર્થડે ગિફ્ટ છે. સુનૈના ફોઝદાર અને કૃણાલ ભંબવાનીની લવ સ્ટોરી ખૂબ જ ફિલ્મી અને મસાલેદાર છે.

બંને મુંબઈમાં એક જ કોલેજમાં અભ્યાસ કરતા હતા અને એકબીજાને બિલકુલ પસંદ નહોતા કરતા. એક ઈન્ટરવ્યૂમાં સુનૈનાએ જણાવ્યું હતું કે જ્યારે તે કૃણાલને મળતી હતી ત્યારે તેને લાગતું હતું કે આ છોકરા સાથે દોસ્તી ન કરવી જાેઈએ. પરંતુ બાદમાં બંને સારા મિત્રો બની ગયા અને પછી ક્યારે પ્રેમ થઈ ગયો, તેમને પણ માલુમ ન પડ્યું. સુનૈાએ કહ્યું હતું કે, શરૂઆતમાં બંને ખૂબ લડતા રહેતા હતા. એકબીજાને ટાર્ગેટ કરતા હતા. પરંતુ બાદમાં જ્યારે કોઈ એક પ્રોજેક્ટમાં સાથે કામ કરવાની તક મળી તો તેમના વચ્ચે વાતચીત શરૂ થઈ અને પછી બંનેની મિત્રતા પાક્કી થઈ ગઈ. સુનૈનાને પ્રપોઝ કરવા માટે કૃણાલ તેને ડ્રાઈવ કરીને પુણે લઈને ગયો અને ત્યાં રસ્તાની વચ્ચે ઘૂંટણ પર બેસીને રિંગ સાથે સુનૈનાને પ્રપોઝ કર્યું હતું.SSS