તૃપ્તિ સાથે ‘એનિમલ’ટોક બદલ સુનિલ ગ્રોવર પર ટ્રોલર્સના પ્રહાર

‘ભૂલ ભુલૈયા ૩’ની ટીમે પ્રમોશન માટે કપિલ શર્માના શોમાં હાજરી આપી હતી

સુનિલના પક્ષમાં દલીલ થઈ હતી કે તેણે ડફલીના રોલમાં આ શો દરિયાન રણબીર સાથે મોક વેડિંગ કર્યા હતા અને સુહાગરાત પણ મનાવી હતી

મુંબઈ,ફિલ્મના પ્રમોશન માટે ‘ભૂલ ભુલૈયા ૩’ના કલાકારો કાર્તિક આર્યન, તૃપ્તિ ડિમરી, વિદ્યા બાલન અને ડિરેક્ટર અનિસ બાઝમીએ કપિલ શર્માના શોમાં હાજરી આપી હતી. આ શોની એક વીડિયો ક્લિપ સોશિયલ મીડિયા પર વાયરલ થઈ રહી છે, જેમાં કોમેડિયન સુનિલ ગ્રોવરનું પાત્ર ડફલી તૃપ્તિ ડિમરીને તેની ૨૦૨૩માં આવેલી રણબીર કપૂર સાથેની ફિલ્મ ‘એનિમલ’ના બોલ્ડ સીન અંગે પૂછતું દેખાય છે. ક્લિપ શરૂ થાય છે, ત્યારે સુનિલ પૂછે છે, “આપ હો જો એનિમલ પિક્ચર મેં થી?” તો તૃપ્તિ કહે છે, “જી મૈં હી થી. દેખા, મૈંને અપને ક્યા ક્યા બોલા હે મેરે બારે મેં.” ત્યાર બાદ ડફલી બોલે છે,“યે જો આપને રણબીર કપૂર કે સાથ કિયા હૈ, આઈ હોપ કી વો સબ શૂટિંગ થી, ઐસે અસલી મેં તો કુછ નહીં થા ના?” આ વાત પર તૃપ્તિ હસી કાઢે છે અને કહે છે કે એ બધું સાચું નહોતું.

સુનિલ ગ્રોવરના આ પ્રશ્નથી સોશિયલ મીડિયા પર ઘણા લોકોને આ વાત પસંદ પડી નહોતી. શોની ટીમે તૃપ્તિને આ પ્રકારના પ્રશ્ન પૂછતાં સ્ટેજના કલાકારોને અટકાવવા જોઈએ. જ્યારે કેટલાંક લોકોએ સુનિલનો પક્ષ પણ લીધો હતો. સુનિલના પક્ષમાં દલીલ થઈ હતી કે તેણે ડફલીના રોલમાં આ શો દરિયાન રણબીર સાથે મોક વેડિંગ કર્યા હતા અને સુહાગરાત પણ મનાવી હતી.તો કેટલાંક લોકોએ તૃપ્તિના પક્ષમાં એવી દલીલ કરી હતી કે તૃપ્તિ ઇન્ડસ્ટ્રી બહારથી આવી છે, એટલે એને આવો પ્રશ્ન પૂછાયો. જો એ કોઈ સ્ટાર કિડ હોત તો એને આવા પ્રશ્ન પૂછાયા ન હોત. ઓડિયન્સે ગમાડેલી ‘ભૂલ ભુલૈયા ૩’માં કાર્તિક આર્યન, તૃપ્તિ ડિમરી, વિદ્યા બાલન, માધુરી દિક્ષિત નેને અને રાજપાલ યાદવ સિવાય આ ફિલ્મમાં વિજય રાઝ, સંજય મિશ્રા, રાજેશ શર્મા અને અશ્વિનિ કલસેકર પણ છે. ss1