દિલ્હીમાં પેટ્રોલની કિંમતમાં પ્રતિ લીટર ૩૦ પૈસાનો વધારો
નવી દિલ્હી: સરકારી ઓઇલ કંપનીઓએ આજે પેટ્રોલ-ડીઝલના ભાવમાં ફરી વધારો કર્યો છે. પેટ્રોલ-ડીઝલની કિંમતમાં સતત વધારો થઈ રહ્યો છે. દેશની રાજધાની દિલ્હીમાં પેટ્રોલની કિંમતમાં પ્રતિ લીટર ૩૦ પૈસાનો વધારે થયો છે. આ સાથે જ દિલ્હીમાં પેટ્રોલની કિંમત ૧૦૧.૮૪ રૂપિયા પ્રતિ લીટર થઈ છે. જ્યારે ડીઝલની કિંમતમાં કોઈ ફેરફાર કરાયો નથી. ડીઝલનો ભાવ સ્થિર છે. મુંબઈમાં આજે પેટ્રોલની કિંમતમાં ૨૯ પૈસાનો વધારો કરાયો છે.
અમદાવાદની વાત કરીઓ તો ભાવ વધારા બાદ આજે પેટ્રોલની કિંમત ૯૮.૫૪ રૂપિયા અને ડીઝલ ૯૬.૭૧ રૂપિયા પ્રતિ લીટર થઈ છે. રાજધાની દિલ્હીમાં મે મહિનાથી અત્યારસુધી પેટ્રોલ-ડીઝલની કિંમતમાં ૪૧ વખત વધારો કરાયો છે. આ દરમિયાન પેટ્રોલની કિંમતમાં ૧૦.૭૯ રૂપિયાનો વધારો કરાયો છે. જુલાઈની વાત કરીએ તો આ મહિને નવ વખત પેટ્રોલની કિંમત વધારવામાં આવી છે. મે મહિનામાં ૧૬ વખત અને જૂનમાં ૧૬ વખત પેટ્રોલની કિંમત વધારવામાં આવી હતી.
તમને જણાવી દઈએ કે પેટ્રોલ અને ડીઝલની કિંમત દરરોજ સવાર છ વાગ્યે બદલાય છે. સવારે છ વાગ્યાથી નવો ભાવ લાગૂ થાય છે. પેટ્રોલ-ડીઝલની કિંમતમાં એક્સાઇઝ ડ્યૂટી, ડીલર કમિશન અને અન્ય વસ્તુઓ જાેડ્યા બાદ ભાવ લગભગ જબલ થઈ જાય છે. વિદેશી મુદ્રાના ભાવ, આંતરરાષ્ટ્રીય બજારમાં ક્રૂડની કિંમતોના આધારે દરરોજ કિંમતમાં ફેરફાર થાય છે. પેટ્રોલ-ડીઝલના ભાવ રોજેરોજ બદલાતા રહે છે અને સવારે ૬ વાગ્યે અપડેટ થઈ જાય છે. પેટ્રોલ-ડીઝલના રોજના ભાવ એસએમએસ કરીને પણ જાણી શકાય છે. ઈન્ડિયન ઓઇલના ગ્રાહક આરએસપી સાથે શહેરનો કોડ લખીને ૯૨૨૪૯૯૨૨૪૯ નંબર પર અને બીપીસીએલ ગ્રાહક આરએસપી લખીને ૯૨૨૩૧૧૨૨૨૨ નંબર પર મોકલીને જાણકારી મેળવી શકે છે. એચપીસી ગ્રાહક એચપી પ્રાઈસ લખીને ૯૨૨૨૨૦૧૧૨૨ નંબર પર મોકલીને ભાવ જાણી શકે છે.
