દીપિકાના બર્થ ડેમાં રણવીર-રણબીર સાથે આલિયાની જમાવટ
મુંબઈ: બોલિવૂડ એક્ટ્રેસ દીપિકા પાદુકોણ મંગળવારે પોતાનો જન્મદિવસ ઉજવી રહી છે. દીપિકા પોતાના પતિ રણવીર સિંહ સાથે બ્રેકફાસ્ટ ડેટ એટલે કે બ્રંચ માટે ગઈ હતી. તો રાતે દીપિકા પાદુકોણ અને રણવીર સિંહ ડિનર માટે બહાર નીકળ્યા હતાં. બન્નેની આ ડિનર પાર્ટીમાં આલિયા ભટ્ટ, રણબીર કપૂર અને કરણ જાેહર, અનન્યા પાંડે સહિત તમામ સેલેબ્સનો પણ સમાવેશ થાય છે. પાપારાઝીઓએ દરેક સ્ટાર્સને પોતાના કેમેરામાં કેદ કર્યા હતાં. ડિનર પાર્ટી માટે પહોંચેલા રણવીર સિંહ અને દીપિકા પાદુકોણે એકસાથે પૉઝ આપ્યો હતો.
તો અન્ય સ્ટાર્સે પણ ફોટો પડાવ્યા હતાં. આ દરમિયાન સ્ટાર્સે માસ્ક પહેર્યા હતાં. દિવસમાં દીપિકા પાદુકોણ અને રણવીર સિંહ બ્રંચ કર્યા પછી થોડી ખરીદી કરવા માટે બાંદ્રાના રસ્તા પર નીકળ્યા હતાં. નોંધનીય છે કે દીપિકા પાદુકોણ પાંચ જાન્યુઆરીના રોજ ૩૫ વર્ષની થઈ છે. એક્ટ્રેસના જન્મદિવસે સવારથી તેના ફેન્સ અને બોલિવૂડ સેલેબ્સ વિશ કરી રહ્યાં છે.
રણબીર કપૂર અને તેની કથિત ગર્લફ્રેન્ડ આલિયા સાથે જાેવા મળ્યા હતાં. રણબીર કપૂરનો બ્લેક એન્ડ વ્હાઈટ લૂક જાેવાલાયક હતો. ફુલ બ્લેક ડ્રેસમાં આલિયા સુંદર લાગી રહી હતી. એક્ટ્રેસ અનન્યા પાંડે અને કરણ જાેહરે એકસાથે ફોટો ક્લિક કરાવ્યો હતો.
