દીપિકા પાદુકોણ-રણવીર સિંહે બતાવી દીકરીની પહેલી ઝલક

ફેન્સને જણાવ્યું દીકરીનું નામ

દીપિકા પાદુકોણ કોંકણી છે અને રણવીર સિંહ સિંધી છે, તેઓએ પોતાની દીકરી માટે અરબી નામ પસંદ કર્યું છે

મુંબઈ,રણવીર સિંહ અને દીપિકા પાદુકોણ બોલિવૂડમાં ફેન્સના ફેવરિટ કપલ્સમાંથી એક છે. ૮મી સપ્ટેમ્બરે બંને એક દીકરીના માતા-પિતા બન્યા હતા. દિવાળીના શુભ અવસર પર પહેલી વખત આ કપલે સોશિયલ મીડિયા પર તેમની દીકરીનો ખૂબ જ ક્યૂટ ફોટો શેર કર્યાે છે અને તેનું નામ પણ જાહેર કર્યું છે.રણવીર સિંહ અને દીપિકા પાદુકોણ તેમની દીકરીની પહેલી તસવીર ઈન્સ્ટાગ્રામમાં શેર કરી છે. આ ફોટોમાં દીકરીનું મો તો જોવા નથી મળી રહ્યું, પરંતુ તેના નાના-નાના પગ ખૂબ જ સુંદર લાગી રહ્યાં છે.

ફોટોમાં તેમની લાડલી દીપિકાના ખોળામાં જોવા મળી. જેમાં મા અને દીકરી બંનેએ લાલ સૂટ પહેર્યું હતું.રણવીર-દીપિકાએ દીકરીની તસવીર શેર કરવાની સાથે દીકરીના નામનો પણ ખુલાસો કર્યાે છે. જેમાં દીકરીનું નામ દુઆ પાદુકોણ સિંહ રાખ્યું છે. શેર કરવામાં આવેલી પોસ્ટના કેપ્શનમાં લખ્યું હતું કે, ‘દુઆ પાદુકોણ સિંહ, ‘દુઆ’ જેનો અર્થ થાય છે પ્રાર્થના… કારણ કે, તે અમારી પ્રાર્થનાનો જવાબ છે. અમારું હૃદય પ્રેમ અને કૃતજ્ઞતાથી ભરાઈ આવ્યું છે… દીપિકા અને રણવીર…’ઉલ્લેખનીય છે કે, દીપિકા પાદુકોણ કોંકણી છે અને રણવીર સિંહ સિંધી છે, તેઓએ પોતાની દીકરી માટે અરબી નામ પસંદ કર્યું છે. દુઆ એક એવો શબ્દ છે જે અરબી ભાષામાંથી આવ્યો છે.

દુઆ એક સ્ત્રી નામ છે અને તેનો અર્થ પ્રાર્થના છે. તે એક સુંદર ધાર્મિક સંદર્ભ ધરાવે છે, જેમ કે ઇસ્લામમાં, તે ભગવાનને પ્રાર્થના કરવાનું કાર્ય છે. એટલું જ નહીં, પરંતુ દુઆનું મૂળ અલ્બેનિયામાં પણ છે, જ્યાં તેનો અર્થ ‘પ્રેમ‘ થાય છે.આ પોસ્ટ પર અનેક ફેન્સ પ્રેમ વરસાવી રહ્યાં છે. પોસ્ટને થોડા જ કલાકમાં લાખો લાઈક મળી છે. જ્યારે યુઝર્સની સાથે-સાથે સેલેબ્રિટી પણ આ તસવીર પર કોમેન્ટ કરી રહ્યાં છે. જેમાં આલિયા ભટ્ટે કોમેન્ટ કરીને કેટલાય રેડ હાર્ટ ઈમોજી કોમેન્ટ કર્યા છે.

દીપિકા પાદુકોણના વર્ક ળન્ટ વિશે વાત કરીએ તો, અભિનેત્રીએ ‘સિંઘમ અગેઇન’માં કેમિયો કર્યાે છે. આ ફિલ્મ આ દિવાળીએ સિનેમાઘરોમાં રિલીઝ થઈ છે. ફિલ્મમાં રણવીર સિંહ પણ એક કેમિયો છે. દીપિકા પાસે હજી ઘણા પ્રોજેક્ટ્‌સ પાઇપલાઇનમાં છે. અને નાગ અશ્વિનની ‘કલ્કિ ૨’ જાન્યુઆરી-ફેબ્રુઆરી ૨૦૨૫માં ફ્લોર પર આવશે. અને આવતા વર્ષે, તે બિગ બી સાથે ‘ધ ઈન્ટર્ન’માં કામ કરવાનું પણ વિચારી રહી છે. રણવીર સિંહ ફરહાન અખ્તરની ‘ડોન ૩’માં જોવા મળશે.ss1