નંબર પ્લેટ વગરની કાર રોકતાં ત્રણ શખ્સોએ બે LRD જવાનને માર્યા

(પ્રતિનિધિ) અમદાવાદ : રૂપાલી સિનેમા નજીકથી નંબર પ્લેટ વગરની કાર પસાર થતાં એલઆરડી જવાનને જાઈ ચાલકે કાર ભગાવતા જવાને ફિલ્મી ઢબે પીછો કર્યો હતો એલીસબ્રીજ નજીક કાર રોકતા તેમાંથી ઉતરેલા ત્રણ શખ્સોએ બે એલઆરડી જવાનો સાથે જાહેરમાં મારામારી કરતાં બપોરના સુમારે લોકોની ભીડ એકઠી થઈ હતી

દરમિયાન પોલીસ આવતા ત્રણેયને લઈને લોકઅપ ભેગા કર્યા હતા. ઈ ડીવીઝન ટ્રાફીકમાં કાર્યરત ભરતભાઈ ગત રોજ સીદી સૈયદની જાળી નજીક ફરજમાં હતા ત્યારે સાડા ત્રણ વાગ્યે એક નંબર પ્લેટ વગરની શંકાસ્પદ કાર દેખાતા તેમણે રોકવાનો ઈશારો કરતા ચાલકે કાર ભગાવી મુકી હતી જેથી ભરતભાઈ તેમના સહકર્મી સાગરભાઈને લઈ કારનો પીછો કરતાં કાર ચાલકને એલિસબ્રીજ પોલીસ સ્ટેશન સામે જ આંતરી લીધો હતો

કારમાંથી ત્રણ શખ્સોએ ઉતરીને ભરતભાઈ તથા સાગરભાઈને ગાળો બોલી સસ્પેન્ડ કરવાની ધમકીઓ આપ્યા બાદ તેમની સાથે મારામારી કરતાં રાહદારીઓ પણ ચોંકયા હતા બંને એલઆરડી જવાનોની વર્દી પણ ફાટી હતી દરમિયાન પોલીસની ગાડી આવતા ત્રણેય શખ્સોને લઈ એલીસબ્રીજ પોલીસ સ્ટેશને પહોચ્યા બા દતેમના વિરુધ્ધ કાયદેસરની કાર્યવાહી હાથ ધરી છે. ત્રણેય શખ્સોના નામ અવકાશ માલાણી, વીરેન તથા પ્રશાંત હોવાનું બહાર આવ્યું છે.