પડકારોનો સામનો કરી યુવતી પેથોલોજીમાં એમડી બની

મુંબઈ, ૧૩ વર્ષ પહેલા જ્યારે મુંબઈના જાેગેશ્વરી વિસ્તારમાં રહેતી રોશન જવ્વાદે ટ્રેન અકસ્માતમાં પોતાના બન્ને પગ ગુમાવ્યા તો તેણે વિચાર્યુ હતું કે હવે તેનું જીવન અટકી જશે, તે જીવનમાં કંઈ કરી નહીં શકે અને બાળકમાં તેણે જાેયેલું ડોક્ટર બનવાનું સપનું પણ સાકાર નહીં કરી શકે.

પરંતુ કહેવાય છે કે, હિંમતે મર્દા તો મદદે ખુદા. રોશને પણ આ વિચારને પોતાના પર હાવિ ન થવા દીધો અને તમામ પડકારોનો સામનો કરીને આગળ વધી. તેણે બોન ટ્યુમરનો સામનો કર્યો, કાયદાકીય લડાઈ લડી અને પેથોલોજીમાં એમડી સમાપ્ત કર્યું. તેણે ખરા અર્થમાં સાબિત કર્યું કે, જ્યાં ચાહ ત્યાં રાહ.

નોંધનીય છે કે રોશન માટે એમડી ડોક્ટર બનવું કોઈ પણ રીતે સરળ નહોતું. તેણે મુશ્કેલ કાયદાઓ સામે પણ લડત આપવી પડી. પરંતુ આ તમામ સંઘર્ષોએ તેને વધારે મજબૂત બનાવી. ૨૯ વર્ષીય રોશને જણાવ્યું કે, હું પરીક્ષામાં ઉતીર્ણ થવાને કારણે ઘણી ખુશ છું. આ ઘણી કપરી જર્ની હતી, પરંતુ મેં પોતાની જાતને વચન આપ્યુ હતું કે હું ડટી રહીશ અને સપનાને સાકાર કરીશ.

ઉલ્લેખનીય છે કે ઓક્ટોબર, ૨૦૦૮માં રોશન અને તેના મિત્રો અંધેરીથી જાેગેશ્વરી ટ્રેનમાં શાળાએથી પાછા ફરી રહ્યા હતા. તે સમયે રોશન ટ્રેક પર પડી ગઈ અને તેના બન્ને પગ પરથી ટ્રેન પસાર થઈ ગઈ હતી. તેના શરીરના નીચેના ભાગમાં ગંભીર ઈજા થઈ હતી.

રોશને વર્ષ ૨૦૦૮માં દસમા ધોરણમાં ૯૨.૨ ટકા પરિણામ મેળવ્યુ હતું. તે બાંદ્રા વિસ્તારમાં આવેલી અંજુમન-એ-ઈસ્લામ ગર્લ્સ કોલેજમાં પરીક્ષા આપીને પાછી ફરી રહી હતી. રોશનના પિતાનો શાકભાજી વેચવાનો વ્યવસાય છે. તેના માટે ડોક્ટર બનવાનું સપનું સાકાર કરવું સરળ નહોતું.

રોશને પ્રવેશ પરીક્ષા પાસ કરી લીધી હતી, છતાં તેણે એમબીબીએસમાં પ્રવેશ મેળવવા માટે બોમ્બે હાઈકોર્ટની મદદ લેવી પડી હતી.

એવો નિયમ હતો કે મેડિસિન ક્ષેત્રમાં અભ્યાસ કરવા માટે માત્ર ૭૦ ટકા વિકલાંગ વિદ્યાર્થીઓને જ પ્રવેશ આપી શકાય જ્યારે અકસ્માત પછી રોશન ૮૬ ટકા વિકલાંગ હતી. રોશનનો પરિવાર નાણાંકીય તંગીનો સામનો કરી રહ્યો હતો, તેમ છતાં તેણે કાયદાકીય લડાઈ જીતવા માટે કોર્ટના અનેક ધક્કા ખાધા. ત્યારપછી બોમ્બે હાઈકોર્ટના ચીફ જસ્ટિસ મોહિત શાહે આદેશ આપ્યો કે રોશનને પ્રવેશ આપવામાં આવે.

વર્ષ ૨૦૧૬માં શેઠ જી.એસ.મેડિકલ કોલેજથી રોશને એમબીબીએસની ડિગ્રી મેળવી. તેણે વર્ષ ૨૦૧૮માં પોસ્ટ ગ્રેજ્યુએશન મેડિકલ પ્રવેશ પરીક્ષા પાસ કરી અને એમડી પેથોલોજીમાં પ્રવેશ મેળવ્યો. રોશન જણાવે છે કે, એમડીમાં પ્રવેશ મેળવતી વખતે પણ મારે ૮૬ ટકા વિકલાંગ વાળી સમસ્યાનો સામનો કરવો પડ્યો હતો. ફોર્મ ઓનલાઈન ભરવાનુ હતું અને મારી પાસે બે જ દિવસ હતા. તે સમયના ધારાસભ્ય કિરિત સોમૈયા યુનિયન હેલ્થ મિનિસ્ટરને મળ્યા અને તેમણે મારા દસ્તાવેજ રજૂ કર્યા.

મને જાણવા મળ્યું કે પ્રવેશ મેળવવા માટેની મર્યાદામાં બદલાવ કરવામાં આવ્યો છે અને મને પ્રવેશ મળી ગયો. એમડીના બીજા વર્ષ દરમિયાન રોશનને બોન ટ્યુમર થઈ ગયું. રોશન જણાવે છે કે, મારે સર્જરી કરાવવી પડી અને તે સમય દરમિયાન અમારા ડિપાર્ટમેન્ટના હેડ અમિતા જાેશી, મારા ક્લાસના અન્ય વિદ્યાર્થીઓ, શિક્ષકો અને મિત્રોએ મારી ઘણી મદદ કરી. બુધવારના રોજ એમડીનું પરિણામ જાહેર થયું અને રોશને કેઈએમ પેથોલોજી ડિપાર્ટમેન્ટમાં ચોથો ક્રમાંક મેળવ્યો.

રોશન જણાવે છે કે, મારી પાસે એમબીબીએસ અને એમડી માટે બે વર્ષની બોન્ડ સર્વિસ છે, હું તેને સમાપ્ત કરીશ અને પછી કોઈ સરકારી હોસ્પિટલમાં જગ્યા ખાલી હશે તો હું અપ્લાય કરીશ. મારી યોજના કોઈ ગ્રામ્ય વિસ્તારમાં લેબોરેટરી ખોલવાનો છે, એવા વિસ્તારમાં જ્યાં આજે પણ લોકોએ મેડિકલ ટેસ્ટ કરાવવા માટે દૂર જવું પડે છે. જાે મને નાણાંકીય સહાય મળશે તો હું તે શરુ કરી દઈશ અથવા તો હું મારી જાતે તેટલા પૈસા એકઠા કરી શકું તેની રાહ જાેઈશ.

ઉલ્લેખનીય છે કે રોશનનો પરિવાર જાેગેશ્વરીની એક ચાલીમાં ૧૦ઠ૧૦ના ભાડાના મકાનમાં રહે છે. તેઓ ચાર ભાઈ બહેન છે. તેના પિતા નિવૃત્ત થઈ ગયા છે અને ભાઈ અબુ તાલીબ સેલ્સમેન તરીકે કામ કરે છે. રોશનની સારવાર દરમિયાન તેના બનેવી તબરેઝ શેખે પરિવારને ઘણી મદદ કરી. રોશન જણાવે છે કે, ઓર્થોપેડિક સર્જન ડોક્ટર સંજય કંથારિયાએ મારી સર્જરી કરી હતી, તેમણે મને દીકરીની જેમ મદદ કરી હતી. સીનિયર વકીલ વી.પી. પાટીલા તેનો કેસ વિનામૂલ્યે લડ્યા અને ધારાસભ્ય અમીન પટેલે તેને અભ્યાસ માટે નાણાંકીય મદદ કરી હતી.SSS