પતિના નિધન બાદ નીતૂ ઘરે બેસી રહે તેમ નહોતા ઈચ્છતાં

બાળકો જુગ જુગ જિયોની સ્ક્રિપ્ટ વાંચીને તરત હા પા઼ડી

અભિનેત્રી નીતૂ કપૂરે ખુલાસો કર્યો હતો કે જ્યારે તેમના પતિ જીવિત હતા ત્યારે તેઓ હંમેશા વ્યસ્ત રહેતા હતા

મુંબઈ, આશરે નવ વર્ષના બ્રેક બાદ બોલિવુડના પીઢ અભિનેત્રી નીતૂ કપૂર ફિલ્મી પડદાં પર કમબેક કરવા માટે તૈયાર છે. તેઓ ફિલ્મ ‘જુગ જુગ જિયોમાં જાેવા મળશે, જે ૨૪ જૂન, ૨૦૨૨ના રોજ રિલીઝ થવાની છે. જુગ જુગ જિયો’માં તેઓ વરુણ ધવન, કિયારા અડવાણી અને અનિલ કપૂર સાથે સ્ક્રીન સ્પેસ શેર કરશે. ફિલ્મમાં તેઓ અનિલ કપૂરના પત્ની, વરુણ ધવનના મમ્મી અને કિયારા અડવાણીના સાસુ બન્યા છે.

રવિવારે (૨૨ મે) ફિલ્મનું ટ્રેલર લોન્ચ કરવામાં આવ્યું હતું. પતિ ઋષિ કપૂરના નિધન બાદ આ પહેલી તેમની ફિલ્મ છે. છેલ્લે તેઓ ૨૦૧૩માં રિલીઝ થયેલી ફિલ્મ ‘બેશરમ’માં જાેવા મળ્યા હતા, જેમાં તેઓ ઋષિ કપૂર અને દીકરા રણબીર કપૂર સાથે હતા. એક ન્યૂઝ પોર્ટલ સાથે વાતચીત કરતાં, નીતૂ કપૂરે ખુલાસો કર્યો હતો કે જ્યારે તેમના પતિ જીવિત હતા ત્યારે તેઓ હંમેશા વ્યસ્ત રહેતા હતા, તે પછી તેમની સાથે ટ્રાવેલિંગ હોય કે ઘરે રહેવાની વાત.

જાે કે, જ્યારે તેમનું નિધન થયું ત્યારે તેમના બાળકો રણબીર અને રિદ્ધિમા તેઓ ઘરે બેસી ન રહે અને કંઈક કરે તેમ ઈચ્છતા હતા. તે સમયે કરણ જાેહરે રાજ મહેતાના ડિરેક્શનમાં બનનારી ફિલ્મ ‘જુગ જુગ જિયો’માં રોલની ઓફર આપી હતી. એક્ટ્રેસે ખુલાસો કર્યો હતો કે, તેમણે સ્ક્રિપ્ટ વાંચીને તરત જ ફિલ્મ માટે હા પાડી હતી. આશરે એક દશકા બાદ કેમેરાનો સામનો કરતી વખતે નીતૂ કપૂરને ઘણી મુશ્કેલીઓનો સામનો કરવો પડ્યો હતો.

એક્ટ્રેસે જણાવ્યું હતું કે, ઋષિ કપૂરના નિધન બાદ ફિલ્મનું શૂટિંગ શરૂ કર્યા બાદ તેમનો આત્મવિશ્વાસ ઝીરો હતો. તેમ છતાં તેમણે હિંમત એકઠી કરી હતી અને કામ શરૂ કર્યું હતું. તેમને ઘણીવાર ડર લાગતો હતો કે તેમનાથી ભૂલ થશે અને કંઈક ખોટું થઈ જશે.

નીતૂએ તે સ્વીકાર્યું હતું કે, દરેક બાબતોમાં તેમને ખાતરી નહોતી. નીતૂ કપૂરે અંતમાં કહ્યું હતું કે, કામ પરત ફરવાથી તેમને ડિપ્રેશનમાં ઘણી મદદ મળી હતી અને ‘જુગ જુગ જિયો’માં કામ કરવાને અભૂતપૂર્વ અનુભવ ગણાવ્યો હતો.

નીતૂ કપૂરે ચાઈલ્ડ આર્ટિસ્ટ તરીકે જ ફિલ્મોમાં કામ કરવાનું શરૂ કરી દીધું હતું. જાે કે, ઋષિ કપૂર સાથે લગ્ન થયા બાદ તેમણે ઈન્ડસ્ટ્રી સાથે અંતર જાળવી લીધું હતું. હાલ તેઓ ડાન્સ રિયાલિટી શો ‘ડાન્સ દીવાને જુનિયર્સ’ જજ કરી રહ્યા છે, જેમાં તેમની સાથે નોરા ફતેહી અને મર્ઝી પેસ્તોનજી છે.sss