પતિ રાજ કુન્દ્રા પર વિશ્વાસ કરીને શિલ્પાએ ભૂલ કરી?

મુંબઈ, બોલિવૂડ અભિનેત્રી શિલ્પા શેટ્ટીના પતિ રાજ કુન્દ્રા પર અશ્લીલ ફિલ્મો બનાવવાનો અને તેને પ્રસારિત કરવાનો આરોપ મૂકવામાં આવ્યો છે. અત્યારે રાજ કુન્દ્રા આ આરોપસર જેલની સજા કાપી રહ્યો છે. પતિની ધરપકડ થયા પછી શિલ્પા શેટ્ટી ઘણાં સમય સુધી ગાયબ થઈ ગઈ હતી. તે રિયાલિટી શૉના જજ તરીકે પણ નહોતી દેખાતી. શૉમાં પણ તેણે બ્રેક લીધો હતો. સોશિયલ મીડિયા પર પણ તેણે કંઈ શેર નહોતી કરતી. પરંતુ હવે શિલ્પા ફરી એકવાર સોશિયલ મીડિયા પર સક્રિય થઈ છે અને કામ પર પણ પાછી ફરી છે.

શિલ્પાએ ઈન્સ્ટાગ્રામ અકાઉન્ટના સ્ટોરી સેક્શનમાં એક પુસ્તકનું પાનું શેર કર્યુ હતું, જેમાં જીવનમાં કરવામાં આવતી ભૂલો વિષે લખવામાં આવ્યું છે. અહીં સોફિયા લોરેનની એક વાત લખવામાં આવી છે કે- ભૂલો કોઈ ઉધારનો ભાગ હોય છે, જેની કિંમત આજીવન ચુકવવી પડે છે. પુસ્તકમાં આગળ લખવામાં આવ્યું છે કે, આપણે કોઈ ભૂલ કર્યા વિના જીવનને રસપ્રદ નથી બનાવી શકતા. પરંતુ આશા રાખીએ કે આ ભૂલો ભયાનક ન હોય અને કોઈને નુકસાન ના પહોંચાડે. પરંતુ આપણાથી ભૂલો થઈ જાય છે. આપણે ભૂલોને ભુલવાનો પ્રયત્ન કરી શકીએ છીએ અથવા તો તેની ગણતરી રસપ્રદ, પડકારજનક અનુભવ તરીકે કરી શકીએ છીએ. ભૂલો આપણને ઘણું શીખવાડી શકે છે.

મારાથી ભૂલો થશે, હું મારી જાતને માફ કરીશ અને ભૂલો પરથી સબક મેળવીશ. આ સ્ટોરીમાં શિલ્પાએ એક સ્ટીકર શેર કર્યું છે જેમાં લખ્યું છે કે મારાથી એક ભૂલ થઈ છે, પણ ઠીક છે. શિલ્પા શેટ્ટી છાશવારે ઈન્સ્ટાગ્રામ પર આ પ્રકારના મેસેજ શેર કરે છે. આ પહેલા પણ તેણે લખ્યુ હતું કે, જીવનમાં પૉઝ બટન દબાવી નથી શકતા. દરેક દિવસનું મહત્વ હોય છે, આપણે તે દિવસનો સર્વશ્રેષ્ઠ ઉપયોગ કરીએ કે પછી સૌથી ખરાબ. કંઈ પણ થાય આપણા જીવનની ઘડિયાળ હંમેશા ચાલતી રહે છે. આપણી પાસે એકમાત્ર વસ્તુ છે, તે છે સમય.

માટે તે સમયને હંમેશા માટે ગુમાવી દેવાના સ્થાને દરેક ક્ષણને જીવવાનો પ્રયત્ન કરવો જાેઈએ. ઉલ્લેખનીય છે કે લગભગ ત્રણ અઠવાડિયા સુધી ડાન્સ રિયાલિટી શૉ સુપર ડાન્સર ચેપ્ટર ૪માં ગાયબ રહ્યા પછી શિલ્પાએ કમબેક કર્યું છે. શૉમાં શિલ્પા પાછી ફરી તો જજ અનુરાગ બાસુ અને ગીતા કપૂર સહિત તમામ કન્ટેસ્ટન્ટે શિલ્પાનું જાેરદાર સ્વાગત કર્યું. આ સ્વાગતને જાેઈને શિલ્પા ભાવુક પણ થઈ ગઈ હતી. તાજેતરમાં જ શિલ્પાની ફિલ્મ હંગામા ૨ રિલીઝ થઈ છે.SSS