પર્યટન મંત્રાલયે દેખો અપના દેશ લોગો ડિઝાઇન સ્પર્ધા શરૂ કરી

પર્યટન મંત્રાલયે MyGov પ્લેટફોર્મ પર ‘દેખો અપના દેશ’ લોગો ડિઝાઇન સ્પર્ધા શરૂ કરી છે. આ સ્પર્ધાનો હેતુ ‘દેખો અપના દેશ’ અભિયાન માટે લોગો તૈયાર કરવામાં દેશવાસીઓના મનમાંથી સર્જનાત્મક વિચારો જાણવાનો છે. લૉકડાઉન પછી અને આ મહામારીના ફેલાવા પર નિયંત્રણ આવી જાય તે પછી, આંતરરાષ્ટ્રીય પર્યટનની તુલનાએ સ્થાનિક પર્યટન ઉદ્યોગ ફરી ખૂબ ઝડપથી બેઠો થશે તે બાબતે લોકો વ્યાપકપણે સંમત થઇ રહ્યા છે.