પશ્ચિમ બંગાળે ગુટખા-પાન મસાલા પરનો પ્રતિબંધ વધુ એક વર્ષ લંબાવ્યો
કોલકાતા, પશ્ચિમ બંગાળની સરકારે રાજ્યમાં સાત નવેમ્બરથી અમલમાં આવે તે રીતે ગુટખા પાનમસાલા અને તમાકુની કોઈ પણ પ્રકારની પ્રોડકટ પર બેન મુકી દીધો છે.
રાજ્યના સ્વાસ્થ્ય વિભાગ દ્વારા બહાર પાડવામાં આવેલો આદેશ એક વર્ષ સુધી અમલમાં રહેશે. ગુટખા અને તમાકુ મસાલા પર રાજ્યે 2013માં પ્રતિબંધ મુકયો હતો. એ પછી દર વર્ષે આ પ્રતિબંધને વધુ એક વર્ષ માટે વધારવામાં આવતો રહ્યો છે.
ડોકટરોનુ કહેવુ છે કે, તમાકુ પ્રોડક્ટસની લતના કારણે કેન્સરના દર્દીઓ વધી રહ્યા છે ત્યારે અમે ઈચ્છીએ છે કે, તેના પર કાયમ માટે પ્રતિબંધ લાગુ કરી દેવામાં આવે.
