પાકિસ્તાનમાં મિસાઇલ પડવાના મામલે IAFના એક કરતાં વધારે અધિકારી જવાબદાર

નવીદિલ્હી, ભારતની નિઃશસ્ત્ર સુપરસોનિક મિસાઈલ આકસ્મિક રીતે ૯ માર્ચ ૨૦૨૨ના રોજ લોન્ચ કરવામાં આવી હતી. તે પાકિસ્તાનમાં પડી. આ અકસ્માતમાં કોઈ જાનહાની થઇ નથી.

પરંતુ ભારતીય વાયુસેનાએ આ બેદરકારી માટે વાયુસેનાના એકથી વધુ અધિકારીઓને જવાબદાર ઠેરવ્યા છે. તેમની સામે ટૂંક સમયમાં કાર્યવાહી કરવામાં આવશે.એક ઉચ્ચ કક્ષાના સરકારી અધિકારીએ જણાવ્યું હતું કે આ મામલાની તપાસ વાઇસ એર માર્શલ આરકે સિન્હા દ્વારા કરવામાં આવી હતી.

તેમણે આ મામલે બેદરકારી માટે એરફોર્સના એકથી વધુ અધિકારીઓને જવાબદાર ગણાવ્યા છે. આ અધિકારીઓ મિસાઈલ સ્ક્વોડ્રન સાથે જાેડાયેલા છે. ટૂંક સમયમાં આ લોકો સામે કડક કાર્યવાહી કરવામાં આવશે. તેમની સામે કડક કાર્યવાહી કરવામાં આવશે.

એર હેડક્વાર્ટરએ જણાવ્યું હતું કે સ્ટાન્ડર્ડ ઓપરેટિંગ પ્રોસિજરનું કડકપણે પાલન કરવા સૂચના આપવામાં આવી છે જેથી ભવિષ્યમાં આવી ભૂલ ન થાય.

ઉલ્લેખનીય છે કે ૯ માર્ચના રોજ ભારતીય સુપરસોનિક મિસાઈલ (નિશસ્ત્ર) લાહોરથી લગભગ ૨૭૫ કિલોમીટર દૂર પાકિસ્તાની વિસ્તારમાં પડી હતી.

જેના કારણે કોલ્ડ સ્ટોરેજને નુકસાન થયું હતું. જાે કે આ અકસ્માતમાં કોઈનું મોત થયું નથી. તેના પર પાકિસ્તાનના વડાપ્રધાન ઈમરાન ખાને કહ્યું હતું કે, ભારતીય મિસાઈલ પાકિસ્તાનમાં પડ્યા બાદ અમે જવાબ આપી શક્યા હોત, પરંતુ અમે સંયમ બતાવ્યો.

ભારતીય વાયુસેનાની મિસાઈલ અકસ્માતે પાકિસ્તાનની સરહદમાં પડી તેની ઉચ્ચ સ્તરીય તપાસ ચાલી રહી છે. આ તપાસમાં ભારતીય ગ્રુપ કેપ્ટન પર શંકાના સમાચાર હતા.

ભારતીય વાયુસેનાની તપાસમાં હવે ગ્રુપ કેપ્ટન રેન્કના અધિકારીઓનો પણ સમાવેશ કરવામાં આવ્યો છે. ભારત તરફથી મિસાઈલ પાકિસ્તાનની સરહદમાં ઘૂસી ગઈ હતી અને મિયાં ચન્નુ નામના સ્થળે પડી હતી.

પાકિસ્તાન સરકારે આનો વિરોધ કર્યો હતો. જાે કે આ પહેલા પણ ભારત તરફથી આ મામલાની તપાસના આદેશ આપવામાં આવ્યા હતા.

રક્ષા મંત્રી રાજનાથ સિંહે આકસ્મિક રીતે પાકિસ્તાનમાં પડેલી ભારતીય મિસાઈલ પર ગૃહમાં પ્રતિક્રિયા આપી હતી. તેમણે ગૃહમાં કહ્યું હતું કે આ અજાણતા ઘટના ખેદજનક છે, અમારી મિસાઈલ સિસ્ટમ ખૂબ જ સુરક્ષિત અને ભરોસાપાત્ર છે.

રાજનાથ સિંહે કહ્યું હતું કે આ ઘટના સૂચના દરમિયાન અજાણતા મિસાઈલ છોડવા સાથે સંબંધિત છે. પરંતુ રાહતની વાત એ છે કે આ ઘટનાથી કોઈ નુકસાન થયું નથી. સરકારે આ ઘટનાને ખૂબ ગંભીરતાથી લીધી છે.HS