પેટ્રોલ-ડિઝલને GST માં લાવવા ૧૦ વર્ષ શક્ય નથી : સુશીલ મોદી

નવી દિલ્હી: સંસદમાં નાણા બિલ – ૨૦૨૧ પર ચર્ચા દરમિયાન નાણા મંત્રી ર્નિમલા સીતારમણે મંગળવારે લોકસભામાં કહ્યુ હતુ કે સરકાર રાજ્યોના પ્રસ્તાવ લાવવા પર પેટ્રોલ-ડીઝલને જીએસટીના માળખામાં લાવવા માટે તૈયાર છે પરંતુ બુધવારે રાજ્યસભામાં ભાજપ સાંસદ સુશીલ કુમાર મોદીએ આગામી ૮-૧૦ વર્ષ સુધી આ સંભવ ન હોવાનુ જણાવ્યુ.

રાજ્યસભામાં સુશીલ કુમાર મોદીએ કહ્યુ કે અત્યારે પેટ્રોલ-ડીઝલ પર ૧૦૦ રૂપિયામાં ૬૦ રૂપિયા કર હોય છે. જેમાં ૩૫ રૂપિયા કેન્દ્ર સરકારના અને ૨૫ રૂપિયા રાજ્ય સરકારના. એટલુ જ નહીં કેન્દ્રના ૩૫ રૂપિયામાંથી ૪૨% રાજ્ય સરકારની પાસે જાય છે. તેમણે કહ્યુ કે તેઓ જીએસટી પરિષદ સાથે જાેડાયેલા રહ્યા છે. ઘણીવાર પેટ્રોલ-ડીઝલને જીએસટીમાં લાવવાની વાત કહેવામાં આવે છે. તેઓ સદન પાસેથી જાણવા ઈચ્છે છે કે જાે પેટ્રોલ અને ડીઝલને જીએસટીમાં નાખી દીધા છે

તો રાજ્યોને બે લાખ કરોડ રૂપિયાનુ મહેસૂલ નુકસાનની ભરપાઈ ક્યાંથી થશે. કેન્દ્ર અને રાજ્ય બંને મળીને આનાથી વાર્ષિક ૫ લાખ કરોડ રૂપિયાનુ મહેસૂલ એકત્ર કરે છે, તેની ભરપાઈ ક્યાંથી થશે? સુશીલ મોદીએ કહ્યુ કે જીએસટીમાં હાઈએસ્ટ ટેક્સ સ્લેબ ૨૮%. અત્યારે પેટ્રોલ-ડીઝલ પર અમે ૬૦% કર લઈ રહ્યા છીએ. એવામાં જાે બે થી અઢી લાખ કરોડ રૂપિયાના મહેસૂલનુ નુકસાન થશે તેની ભરપાઈ ક્યાંથી થશે. જાે આને જીએસટીમાં લઈ લઈએ તો કેન્દ્રને ૧૪ અને રાજ્યોને માત્ર ૧૪ રૂપિયા કર મળશે. એવામાં પેટ્રોલ-ડીઝલને જીએસટીમાં લાવવાનુ ૮થી ૧૦ વર્ષ સુધી સંભવ નથી. ના તો કોંગ્રેસની સત્તાવાળા રાજ્ય અને ના ભાજપની સત્તા વાળા રાજ્ય આની માટે તૈયાર થશે.

અગાઉ સદનમાં નાણાકીય બિલ પર ચર્ચા દરમિયાન કોંગ્રેસના સાંસદ દીપિંદર સિંહ હુડ્ડાએ કહ્યુ, આપ કહો છો કે કૉર્પોરેટ કર દુનિયાના બરાબર હોવો જાેઈએ જેથી અમારી કંપનીઓની પ્રતિસ્પર્ધાત્મક ક્ષમતા વધે પરંતુ જ્યારે કોર્પોરેટ કર દુનિયાના બરાબર હોવો જાેઈએ તો પેટ્રોલ-ડીઝલ પર કર દુનિયાના બરાબર કેમ ના થવો જાેઈએ.

દીપિંદર હુડ્ડાએ કહ્યુ કે દેશમાં પ્રત્યક્ષ કર વ્યવસ્થા સમાનતા લાવે છે. જેમાં આપ આવક વેરો અને કૉર્પોરેટ કરમાં ફરક કરી શકે છે જ્યારે અપ્રત્યક્ષ કર ગરીબને વધારે દેવો પડે છે. પેટ્રોલ પર મુકેશ કુમાર અને મુકેશ અંબાણીને સમાન કર આપવો પડે છે જ્યારથી આપની સરકાર આવી છે ત્યારથી કોર્પોરેટ કરને ઓછો કરતા જઈ રહ્યા છે.