પ્રિયંકા ગાંધી ૧૬ જુલાઈથી ઉત્તર પ્રદેશના ત્રણ દિવસના પ્રવાસે
લખનૌ: ઉત્તર પ્રદેશ વિધાનસભાની ચૂંટણી માટે સંગઠન અને કાર્યકરોના મનોબળને વેગ આપવા કોંગ્રેસના મહાસચિવ પ્રિયંકા ગાંધી વાડ્રા ૧૬ જુલાઈથી રાજ્યની મુલાકાત લેશે. કોંગ્રેસના સૂત્રોએ જણાવ્યું હતું કે પ્રિયંકા ગાંધી અગાઉ ૧૪ જુલાઈએ લખનઉની મુલાકાતે હતી, પરંતુ દિલ્હીમાં કેટલીક મહત્વપૂર્ણ બેઠકોના કારણે હવે તેઓ ૧૬ જુલાઇએ ત્યાં જશે. તેમની મુલાકાત ત્રણ કે ચાર દિવસની હોઈ શકે છે.
આ પહેલા પ્રિયંકા ગાંધીએ સોમવારે ઉત્તર પ્રદેશ સાથે સંકળાયેલા પાર્ટીના વરિષ્ઠ નેતાઓ સાથે બેઠક કરી હતી. જેમાં આગામી વિધાનસભાની ચૂંટણી માટેની તૈયારીઓ અને વ્યૂહરચના અંગે ચર્ચા કરવામાં આવી હતી. બેઠકમાં ર્નિણય લેવામાં આવ્યો હતો કે યુપી કોંગ્રેસ મોંઘવારી, બેરોજગારી અને ‘જંગલ રાજ’ સામે વધુ સખ્ત શેરીઓ પર ઉતરશે.
સૂત્રોના જણાવ્યા અનુસાર લખનૌમાં તેમના રોકાણ દરમિયાન પ્રિયંકા ગાંધી પ્રદેશ કોંગ્રેસ સમિતિના તમામ સભ્યો અને જિલ્લા અને શહેર પ્રમુખો સાથે બેઠક કરશે. તેમણે જણાવ્યું હતું કે તેઓ ખેડૂત સંગઠનોના પ્રતિનિધિઓને પણ મળશે અને પાર્ટીની પ્રદેશ સમિતિના કામની સમીક્ષા કરશે.
પક્ષના એક સૂત્રએ જણાવ્યું હતું કે ઉત્તર પ્રદેશ પ્રવાસ દરમિયાન પ્રિયંકા ગાંધી મજબૂત બેઠકો માટે સંભવિત ઉમેદવારોના નામની પણ ચર્ચા કરશે. લખનઉમાં, તેમનો બેરોજગાર યુવાનોના જૂથને મળવાનો પણ એક કાર્યક્રમ છે, જે સરકારી ભરતી માટે સંઘર્ષ કરી રહ્યા છે.સૂત્રોના જણાવ્યા અનુસાર પ્રિયંકા ગાંધી ઉત્તર પ્રદેશના અન્ય જિલ્લાઓની પણ મુલાકાત લેશે, જાેકે આ કાર્યક્રમની તારીખ હજી નક્કી થઈ નથી.
