ફરહાન અખ્તરના લગ્નમાં હૃતિકે જાેરદાર ડાન્સ કર્યો

મુંબઈ, તારીખ ૧૯મી ફેબ્રુઆરીએ એક્ટર ફરહાન અખ્તરએ પોતાની લોંગટાઈમ ગર્લફ્રેન્ડ શિબાની દાંડેકર સાથે લગ્ન કર્યા. જેમાં એક્ટર રિતિક રોશન, પિતા રાકેશ રોશન સાથે આવ્યો હતો. ફરહાન અખ્તરના લગ્નમાં એક્ટર રિતિક રોશને હિટ ફિલ્મ ઝિંદગી ના મિલેગી દોબારાના સેનોરિટા ગીત પર ડાન્સ કર્યો હતો.

વાયરલ વિડીયોમાં રિતિક રોશન અને ફરહાન અખ્તર એકસાથે ડાન્સ કરતા જાેવા મળી રહ્યા છે. ફરહાન અખ્તર અને શિબાની દાંડેકર ૧૯ ફેબ્રુઆરીએ અંગત મિત્રો અને પરિવારજનોની હાજરીમાં લગ્ન કર્યા છે. કપલે જાવેદ અખ્તરના ખંડાલા સ્થિત ફાર્મ હાઉસમાં લગ્ન કર્યા છે.

સેરેમનીમાં જાવેદ અખ્તર, શબાના આઝમી, ઝોયા અખ્તર, અનુષા દાંડેકર જેવા પરિવારજનો હાજર રહ્યા હતા. ઉપરાંત હૃતિક રોશન પેરેન્ટ્‌સ રાકેશ અને પિંકી રોશન સાથે પહોંચ્યો હતો. આ સિવાય જાણીતા ફિલ્મમેકર આશુતોષ ગોવારીકર, રાકેશ ઓમપ્રકાશ મહેરા, રિયા ચક્રવર્તી, અમૃતા અરોરા, રિતેશ સિદ્ધવાની, શંકર મહાદેવન, અહેસાન નૂરાની, સતિષ શાહ વગેરે જેવા સેલિબ્રિટીઝ ઉપસ્થિત રહ્યા હતા. ફરહાને ફિલ્મ જિંદગી મિલેગી ના દોબારાના ગીત ‘સૂરજ કી બાંહો મેં’ પર એન્ટ્રી લીધી હતી.

ફરહાનના પિતા અને જાણીતા ગીતકાર જાવેદ અખ્તરે કપલ માટે સુંદર કવિતા લખી હતી. જે મહેમાનોની વચ્ચે વાંચી સંભળાવી હતી. ફરહાન અને શિબાનીએ મહારાષ્ટ્રીયન રિવાજાે મુજબ લગ્ન કે નિકાહ નથી કર્યા. કપલે વેડિંગ વાઉવ્સ લખ્યા હતા. આ વચનો તેમણે સૌને એકબીજાની સામે આપ્યા હતા. સેરેમની માટે શિબાનીએ લાલ અને પિંક રંગના ગાઉન પર પસંદગી ઉતારી હતી.

તેણે લાંબી ઓઢણી ઓઢી હતી. સામાન્ય જ્વેલરી અને ખુલ્લા વાળ સાથે શિબાની સુંદર લાગતી હતી. જ્યારે ફરહાન અખ્તર બ્લેક રંગના સૂટમાં જાેવા મળ્યો હતો. કપલે લાલ અને પિંક રંગના ફ્લાવર ડેકોરેશનની સામે વેડિંગ વાઉવ્સ લીધા હતા. ફરહાન અને શિબાનીના પ્રી-વેડિંગ ફંક્શન બે દિવસ પહેલા શરૂ થયા હતા. મહેંદી અને હલ્દી સેરેમની ધામધૂમથી યોજાઈ હતી. ચર્ચા છે કે, ફરહાન અને શિબાની ૨૧ ફેબ્રુઆરીએ કોર્ટ મેરેજ કરવાના છે. જે બાદ તેઓ પોતાના સેલિબ્રિટી ફ્રેન્ડ્‌સ માટે રિસેપ્શનનું આયોજન કરશે.SSS