બર્થ-ડેના દિવસે સલમાનની ‘સિકંદર’ ફિલ્મનું ટીઝર રિલીઝ

આજે ફિલ્મનું ટીઝર રિલીઝ કરવામાં આવશે

સાજિદ નડિયાદવાલાની આગામી ફિલ્મ ‘સિકંદર’નું પહેલું પોસ્ટર રિલીઝ કરવામાં આવ્યું છે અને તે ખરેખર અદભૂત છે

મુંબઈ,
ઘણી રાહ જોયા બાદ આખરે સલમાન ખાનની ફિલ્મ ‘સિકંદર’નો ફર્સ્ટ લૂક જાહેર કરવામાં આવ્યો છે. સાજિદ નડિયાદવાલાની આગામી ફિલ્મ ‘સિકંદર’નું પહેલું પોસ્ટર રિલીઝ કરવામાં આવ્યું છે અને તે ખરેખર અદભૂત છે. શાનદાર ફિલ્મો માટે જાણીતા એઆર મુરુગાદોસ આ ફિલ્મમાં સલમાન ખાનને એક નવા અને અલગ અવતારમાં રજૂ કરવા માટે તૈયાર છે. પોસ્ટરમાં સલમાન ખાન દમદાર અને રહસ્યમય પોઝમાં જોવા મળી રહ્યો છે. એક અદ્ભુત અને રોમાંચક સિનેમેટિક અનુભવની ઝલક તસવીરમાં જોવા મળે છે.

સિકંદરનો આ ફર્સ્ટ લુક સોશિયલ મીડિયા પર ખૂબ જ ધૂમ મચાવી રહ્યો છે અને ચાહકો આ મેગાસ્ટારના મોટા પડદા પર પાછા ફરવાની આતુરતાથી રાહ જોઈ રહ્યા છે. પોસ્ટરમાં સલમાન ખાનની મજબૂત હાજરી સિકંદરના તેના પાત્રને પ્રતિબિંબિત કરે છે, જે દર્શકોને આશ્ચર્યચકિત કરવા અને આકર્ષિત કરવા માટે તૈયાર છે. સિકંદર સલમાન ખાન અને સાજિદ નડિયાદવાલાની ૨૦૧૪ની બ્લોકબસ્ટર ‘કિક’ પછીની પ્રથમ ફિલ્મ છે, જે સાજિદની દિગ્દર્શિત પ્રથમ ફિલ્મ પણ હતી. ભાઈજાન ફેમ સલમાન ખાન આજે ૫૯ વર્ષનો થશે અને આ ફિલ્મનું ટીઝર પણ આજે રિલીઝ થશે.ss1