બાણગંગામાં મહિલાએ કસાઈઓ સાથે મળીને પતિની ક્રૂર હત્યા કરી
ઈન્દોર, બાણગંગા પોલીસ સ્ટેશન વિસ્તારમાં એક મહિલાએ તેના પતિની હત્યા કરી લાશને ઘરમાં દાટી દીધી. હત્યા બાદ પત્નીએ પતિના મૃતદેહ સાથે બેરહેમીપૂર્વક વર્તાવ કર્યો હતો. તેણીએ તેના પતિના શરીરના બે કસાઈઓ દ્વારા ટુકડા કરી દીધા હતા.
મૃતદેહના ટુકડા કરવાના મામલે પોલીસે બંને આરોપીઓની ધરપકડ કરી છે. પકડાયેલા બંને આરોપીઓ વ્યવસાયે કસાઈ છે. આ લોકોએ તેમના હાથ-પગ કાપીને જંગલમાં ફેંકી દીધા હતા. જ્યારે ધડ જમીન નીચે દાટવામાં આવ્યું હતું. પ્રાપ્ત માહિતી અનુસાર આરોપીઓમાં એક શખસ મહિલાનો પ્રેમી હોવાનું જાણવા મળ્યું છે.
પોલીસે ઘરમાં ખોદકામ કરીને ધડ કબજે કર્યું હતું. જાે કે, હજુ હાથ-પગ પણ મળ્યા નથી. આ સમગ્ર મામલો ઈન્દોરના બાણગંગા પોલીસ સ્ટેશન વિસ્તારની ગણેશધામ કોલોનીનો છે. આ સનસનીખેજ ઘટનાક્રમનો ખુલાસો શુક્રવારે થયો હતો.
પ્રાપ્ત માહિતી અનુસાર ગણેશધામમાં રહેતા ટ્રક ડ્રાઈવર ક્રિષ્ના ઉર્ફે બબલુ જાદૌન તેની પત્ની સુનીતાએ તેના પ્રેમી રિઝવાન કુરેશી અને ભૈયુ ઉર્ફે ઈર્શાદ કુરેશી સાથે મળીને હત્યા કરી હતી. હત્યા બાદ આરોપીઓએ ઘરમાં ૬ ફૂટ ખાડો ખોદી લાશને દાટી દીધી હતી.
આરોપીઓએ બબલુના પુત્ર પ્રશાંતની મદદથી તેના હાથ-પગ કાપીને દેવ ગુરાડિયાના જંગલોમાં ફેંકી દીધા હતા. આ કેસમાં પોલીસે બંને આરોપી ભૈયુ ઉર્ફે ઈર્શાદ અને રિઝવાન કુરેશીની ધરપકડ કરી છે. તેના કહેવા પર જંગલમાંથી પોલિથીન મળી આવી છે, જેમાં આ લોકોએ મૃતદેહના ટુકડા ફેંક્યા હતા. જાે કે હજુ સુધી શરીરના અંગો મળ્યા નથી. પોલીસ દ્વારા તેની પણ શોધખોળ કરવામાં આવી રહી છે.
આ સમગ્ર હત્યાકાંડના મામલે બાણગંગા પોલીસ સ્ટેશનના તપાસ અધિકારી સ્વરાજ ડાબીએ જણાવ્યું કે ‘ધરપકડ કરાયેલા બંને આરોપીઓ વ્યવસાયે કસાઈ છે અને મહિલાના પ્રેમી હોવાનું કહેવાય છે. હાલ પોલીસે મૃતકની લાશનો કબજાે મેળવી લીધો છે. તે જ સમયે, જંગલમાં ફેંકી દેવામાં આવેલા તેના હાથ અને પગની શોધખોળ કરવામાં આવી રહી છે.SSS
