બાવળિયાળી ખાતે નિજમંદિરને 375 વર્ષ પૂર્ણ થવા નિમિત્તે આયોજિત મંદિરની પુન: પ્રાણપ્રતિષ્ઠા મહોત્સવ

અમદાવાદ, ભરવાડ સમાજના આસ્થા કેન્દ્ર એવા નગાલાખા બાપાના ધામ – બાવળિયાળી ખાતે નિજમંદિરને પોણા ચારસો વર્ષ પૂર્ણ થવા નિમિત્તે આયોજિત મંદિરની પુન: પ્રાણપ્રતિષ્ઠા મહોત્સવ અને ગોપ જ્ઞાન ગાથા સ્વરૂપે શ્રીમદ્‌ ભાગવત સપ્તાહમાં મુખ્યમંત્રી વિશેષ ઉપસ્થિત રહ્યાં.

આ અવસરે માનનીય મુખ્યમંત્રીશ્રીએ પૂજ્ય સંતો-મહંતોની પાવન ઉપસ્થિતિમાં જણાવ્યું કે ભગવાન શ્રીકૃષ્ણના ઉપાસક ગોપાલક સમાજનું પશુપાલન ક્ષેત્રે પણ મોટું યોગદાન છે.

તેમણે રચનાત્મક પ્રવૃતિઓમાં પણ સમાજની એકતાના દર્શન કરાવી સમાજમાં વિશ્વાસનું વાતાવરણ સર્જ્યું છે. આ પ્રસંગે ભરવાડ સમાજની હજારો માતા-બહેનોએ પરંપરાગત વસ્ત્રોમાં સજ્જ થઈને પરંપરાગત હૂડો મહારાસ રમીને રેકોર્ડ સર્જ્યો.