બિગ બોસ ૧૫ની ૩૫ લાખની ઓફર રિયા ચક્રવર્તીએ નકારી

મુંબઈ, રિયા ચક્રવર્તીને બિગ બોસ ૧૫માં રહેવા માટે એક અઠવાડિયાનાં ૩૫ લાખ રૂપિયા આપવાની ઓફર થઇ હતી. આ મોટી રકમ અંગે જાણીને સૌ કોઇની આંખો પહોળી થઇ ગઇ હતી. ઘણા લોકોએ એક્ટ્રેસ માટે તેની કારકિર્દીમાં સુધારો લાવવાની આ એક મોટી તક હોવાનું વિચાર્યું હતું. એટલું જ નહીં, તેણીને ઓફર કરેલી મોટી રકમ એ ગયા વર્ષે આર્થિક રીતે ચૂકી ગયેલી દરેક વસ્તુની ભરપાઈ કરી શકે છે.

પરંતુ એવું લાગે છે કે રિયાએ આ ઓફર ઠુકરાવવાનો ર્નિણય કર્યો છે. જ્યારે મહિનાઓથી અફવાઓ ફેલાઈ રહી હતી, ત્યારે રિયા ચક્રવર્તી મુંબઈના તે જ સ્ટુડિયોમાં નજર આવી જ્યાં બિગ બોસ ૧૫નો પ્રોમો શૂટ કરવામાં આવ્યો હતો. જેથી અટકળો વધી ગઇ હતી કે તે બિગ બોસ ૧૫માં નજર આવશે. તેમાં ખાસ વાત એ હતી કે તેજસ્વી પ્રકાશ જે આ સિઝનમાં ભાગ લઈ રહ્યા છે તે પણ તે જ જગ્યાએ હતી.

બીબી ૧૩ સ્પર્ધક દલજીત કૌરે પણ તે જગ્યાએ રિયાની હાજરી હોવાની વાત કરી હતી. બિગ બોસની ઘણી બધી લિંકોએ ઘણા અનુમાન લગાવ્યા કે આ શોમાં રિયા ચક્રવર્તી પણ હોઇ શકે છે! જાેકે લેટેસ્ટ રિપોર્ટની માનીયે તો, રિયા ચક્રવર્તીએ બિગ બોસ ૧૫ ની ઓફર ઠુકરાવવાનો ર્નિણય કર્યો છે.

એક્ટ્રેસ પાસે ફિલ્મો અને વેબ સિરીઝની ઘણી બધી ઓફર્સ છે. તેની પાસે સાઉથ અને બોલિવૂડ બંનેની ફિલ્મો છે. તેથી તે પોતાને હાલમાં બિગ બોસનાં ઘરમાં બંધ કરી શકે તેમ નથી. તે તેનાં કામ પર ધ્યાન આપવાંનું વિચારી રહી છે.

રિયાનાં વર્કફ્રન્ટની વાત કરીએ તો, હાલમાં જ રિયા ચક્રવર્તીએ અમિતાભ બચ્ચન અને ઇમરાન હાશ્મી સ્ટાર ફિલ્મ ચેહરેમાં નજર આવી હતી. તેણી એક નાની છતાં મહત્ત્વની ભૂમિકામાં જાેવા મળી હતી. આ ફિલ્મને શરૂઆતમાં સુશાંત સિંહ રાજપૂતના ચાહકો દ્વારા ઘણી પ્રતિક્રિયાઓ જાેવા મળી હતી પરંતુ આખરે તેને સ્વીકારવામાં આવી હતી. ગયા વર્ષે ૧૫ જૂને સુશાંત સિંહ રાજપૂતનું નિધન થયું હતું.

તેણે કથિત રીતે તેના બાંદ્રા એપાર્ટમેન્ટમાં ફાંસી લગાવી હતી. ત્યારે સુશાંત સિંહ રાજપૂતનાં પિતા કેકે સિંહે રિયા ચક્રવર્તી સામે છેતરપિંડી, ઉશ્કેરણી, છેતરપિંડી અને અન્ય ઘણા ગુનાઓનો આરોપ લગાવ્યો હતો.SSS