બેબીની સંભાળ લેવામાં વ્યસ્ત કરીનાને ફેન્સ યાદ આવ્યા
મુંબઈ: બોલિવુડ સ્ટાર અને નવી મમ્મી કરીના કપૂર ખાનને બાળકની સાર-સંભાળ લેવામાંથી થોડો ફ્રી ટાઈમ મળતાં જ ઈન્સ્ટાગ્રામ પર એક્ટિવ થઈ છે. કરીનાએ પાઉટ કરતી તસવીર શેર કરીને ફેન્સને હેલો કહ્યું છે. કરીના કપૂર ખાન ૨૧ ફેબ્રુઆરીએ બીજા બાળકની મા બની છે.
કરીના અને સૈફના બીજા દીકરાનો જન્મ થયો છે ત્યારે હાલ તો એક્ટ્રેસ બાળકને સાચવવામાં વ્યસ્ત હશે. જાે કે, થોડી ફ્રી પડતાં જ સોશિયલ મીડિયા પર એક્ટિવ રહેતી બેબોએ સન-કિસ્ડ સેલ્ફી શેર કરી છે. લૂઝ ટોપ, સ્ટ્રો હેટ અને સનગ્લાસિસમાં કરીના કપૂર ઉનાળાને આવકારવા માટે તૈયાર દેખાય છે.
પાઉટ કરતી તસવીર શેર કરતાં બેબોએ લખ્યું, ઓહ, હેલો ધેર તમને સૌને ખૂબ મિસ કર્યા. જણાવી દઈએ કે, કરીના કપૂરને ગત મંગળવારે હોસ્પિટલમાંથી ડિસ્ચાર્જ કરવામાં આવી હતી. જે બાદ નજીકના મિત્રો અને પરિવારજનો તૈમૂરના નાના ભાઈને રમાડવા આવી રહ્યા છે. રવિવારે સાંજે કરીનાની બેસ્ટફ્રેન્ડ મલાઈકા અરોરા બોયફ્રેન્ડ અર્જુન કપૂર સાથે કરીનાના ઘરે આવી હતી. આ ઉપરાંત મલાઈકાની બહેન અમૃતા પણ પતિ અને બાળકો સાથે સૈફ-કરીનાના ઘરે પહોંચી હતી. કરિશ્મા કપૂર અવારનવાર કરીનાના ઘરે આવતી રહે છે
ત્યારે રવિવારે દીકરા સાથે પહોંચી હતી. થોડા દિવસ પહેલા કરીનાના ઘરે ગિફ્ટ્સ આવી હતી. ઉપરાંત સૈફની દીકરી સારા, સૈફની બહેનો સોહા અલી ખાન અને સબા અલી ખાન ‘બેબી પટૌડી’ને રમાડવા આવ્યા હતા. ત્યારે ચર્ચા હતી કે સૈફ-કરીનાના બીજા બાળકનું નામકરણ થયું હતું. જાે કે, પહેલા દીકરા તૈમૂરના નામને લઈને થયેલા વિવાદ બાદ કરીના અને સૈફ બીજા દીકરાનું નામ જાહેર કરવામાં ઉતાવળ કરવા માગતા નથી.
મીડિયા રિપોર્ટ્સનું માનીએ તો, તૈમૂરની જેમ બીજા દીકરાને સતત મીડિયા અટેન્શન મળે તેવું સૈફ-કરીના ઈચ્છતા નથી. માટે જ હજી સુધી તેની એકપણ તસવીર બહાર આવી નથી. હાલ તો બંને દીકરાઓ સાથે કરીના સમય પસાર કરીને માતૃત્વનો આનંદ કરીના માણી રહી છે. ત્યારે રિપોર્ટ્સનું માનીએ તો બેબો પોતાના આગામી પ્રોજેક્ટ્સ પર કામ કરવા માટે ઉત્સુક છે. પ્રેગ્નેન્સી દરમિયાન સતત એક્ટિવ રહેલી કરીનાએ શરૂઆતના મહિનાઓમાં આમિર ખાન સાથેની ફિલ્મ લાલ સિંહ ચઢ્ઢા’નું શૂટિંગ પૂરું કર્યું હતું. આ ફિલ્મ હોલિવુડ ફિલ્મ ‘ફોરેસ્ટ ગમ્પ’ની હિન્દી રિમેક છે.
