બે બાળકોની મા હોવાથી રોલ નથી મળી રહ્યા : ચાહત ખન્ના
મુંબઈ: કૂબૂલ હૈ અને ‘બડે અચ્છે લગતે હૈ’ જેવી સીરિયલોમાં જાેવા મળેલી એક્ટ્રેસ ચાહત ખન્નાને રોલ મેળવવામાં તકલીફ થઈ રહી છે. બે બાળકોની મા હોવાથી ચાહતને કોઈ રોલ આપવા તૈયાર નથી અને વાતનો ખુલાસો એક્ટ્રેસે ફેસબુક પર પોસ્ટ મૂકીને કર્યો હતો. ચાહત સાથે વાત કરી ત્યારે એક્ટ્રેસે કહ્યું, જ્યારે એક એક્ટ્રેસ પરણેલી ઉપરાંત બાળકની મા હોય ત્યારે મેકર્સ તેને કાસ્ટ કરતાં પહેલા બેવાર વિચારે છે. હું દીકરીઓ ઝોહર અને અમાયરાની મા છું અને હું ડબલ કામ કરવા તૈયાર છું
પરંતુ મને કોઈ ઓફર જ નથી મળતી. જ્યારે પણ ઓડિશન આપું છું ત્યારે રિજેક્ટ કરી દેવામાં આવે છે. રિજેક્શનનું કારણ એ છે કે મેકર્સને લાગે છે કે બે બાળકોની મા હોવાથી કદાચ હું કામ પ્રત્યે સમર્પિત નહીં હોઉં. ચાહતનું માનીએ તો, એવી ધારણા બંધાયેલી છે કે એક એક્ટ્રેસ જે મા બની ગઈ છે એ લીડ રોલ માટે યોગ્ય નથી. “જ્યારે હું મારી દીકરીઓ સાથે તસવીરો શેર કરું છું ત્યારે લોકો મને આમ ન કરવાનું કહે છે. લોકોને લાગે છે કે, દીકરીઓ સાથેની તસવીરો પોસ્ટ કરવાથી મેકર્સ મને અપ્રોચ નહીં કરે. જાેકે, મેં મારા બાળકો સાથે પોસ્ટ કરવાનું ચાલુ રાખ્યું છે કારણકે મને લાગે છે કે હું મા છું તો હું આ વાત છુપાવીશ નહીં. રાખો અથવા કાઢી નાખો!! આજકાલ કાસ્ટિંગ તમારી ઈન્સ્ટા પ્રોફાઈલને આધારે થાય છે.
મને લાગે છે કે, એક્ટરને કામ તેની લાયકાતને આધારે મળવું જાેઈએ નહીં તે તેની ઈન્સ્ટા પ્રોફાઈલને આધારે”, તેમ ચાહતે ઉમેર્યું. ચાહત ખન્નાએ ઘણાં રિજેક્શનનો સામનો કર્યો છે ત્યારે હકીકત એ પણ છે કે ટેલિવિઝન ઈન્ડસ્ટ્રીમાં ઘણી એવી હીરોઈનો કામ કરે છે જે રિયલ લાઈફમાં બાળકોની મા છે. આ મુદ્દો ચાહત સામે મૂકતાં તેણે કહ્યું-“હા, ટેલિવિઝનમાં ઘણી હીરોઈનો છે જે મા અને મજબૂત રોલ કરી રહી છે. પરંતુ કોઈક રીતે મારી પાસે કોઈ ઓફર આવી જ નથી.
ફિલ્મ, વેબ, પ્રાદેશિક ફિલ્મો, સાઉથની ફિલ્મો બધી જ જગ્યાએ મને કાસ્ટ ના કરવાનું આ જ કારણ રહ્યું છે. આર્થિક રીતે હાલ કેવી મુશ્કેલીનો સામનો કરી રહી છે તે વિશે વાત કરતાં ચાહતે કહ્યું, “ઘણાં લોકોને એવું લાગે છે કે હું ઓન્ત્રપ્રેન્યોર બની ગઈ એટલે મારી પાસે ખૂબ રૂપિયા હશે. ઉપરાંત તમે સોશિયલ મીડિયા પર જે કંઈ પોસ્ટ કરો છો એ તમારી અસલ જિંદગી નથી. જે દેખાય છે તે સાચું નથી હોતું.
