બોડકદેવ ખાતે પ્રધાનમંત્રીના જન્મદિવસ નિમિત્તે બલ્ડ ડોનેશન કેમ્પ યોજાયો

બોડકદેવ વોર્ડ ખાતે પ્રધાનમંત્રી નરેન્દ્રભાઈ મોદીજીના જન્મદિવસ નિમિત્તે બલ્ડ ડોનેશન કેમ્પમાં કાર્યકરોએ હાજરી આપી હતી. આ પ્રસંગે વિધાનસભા પ્રભારી પૂનમબેન બાજપાઈ અને કાઉન્સીલરઓ,સંગઠનના પદાધિકારીઓ તથા કાર્યકરો હાજર રહ્યા હતાં.

દેશના લોકલાડીલા પ્રધાનમંત્રીશ્રી અને ગુજરાતની ધરાના પનોતા પુત્ર શ્રી નરેન્દ્રભાઈ મોદી ૧૭ સપ્ટેમ્બરે ૭૦ વર્ષ પૂર્ણ કરી ૭૧ માં વર્ષમાં પ્રવેશ કરી રહ્યા છે ત્યારે તેમના જન્મદિનની ઉજવણી માટે ભાજપા દ્વારા ૧૪ થી ૨૦ સપ્ટેમ્બર ‘સેવા સપ્તાહ’ કાર્યક્રમ થકી વિવિધ સેવાકીય અને જનજાગૃતિના કાર્યો કરવામાં આવી રહ્યા છે.

પ્રધાનમંત્રીશ્રી નરેન્દ્રભાઇ મોદીના જન્મદિન નિમિત્તે ૧૭ સપ્ટેમ્બરે તેમના પ્રેરણાદાયી જીવન ઉપર આધારિત બે વર્ચ્યુઅલ રેલીઓ યોજાશે, જે પૈકી સાંજે ૫.૦૦ કલાકે મુખ્યમંત્રીશ્રી વિજયભાઈ રૂપાણીની વિશેષ ઉપસ્થિતિમાં ઉત્તર ઝોનની રેલી યોજાશે જેમાં વરિષ્ઠ પત્રકારશ્રી દેવેન્દ્ર પટેલ સંબોધન કરશે તેમજ સાંજે ૭.૦૦ કલાકે ભાજપા પ્રદેશ અધ્યક્ષશ્રી સી.આર.પાટીલની વિશેષ ઉપસ્થિતિમાં મધ્ય ઝોનની રેલી યોજાશે જેમાં તત્વચિંતકશ્રી સચ્ચિદાનંદ સ્વામીજી સંબોધન કરશે. આ રેલીમાં ઉત્તર અને મધ્ય ઝોનના ભાજપા કાર્યકર્તાઓ અને સમર્થકો, શુભેચ્છકૉ વિશાળ સંખ્યામાં ડિજિટલ માધ્યમથી જોડાશે.