બ્રેઈન સ્ટ્રોક બાદ રાહુલ રોયની સ્થિતિ સુધારા પર
મુંબઈ: બોલિવૂડ એક્ટર રાહુલ રોયના સ્વાસ્થ્યમાં થોડો સુધારો જાેવા મળી રહ્યો છે. હોસ્પિટલમાંથી કેટલીક તસવીરો બહાર આવી છે જેમાં તેઓ પહેલા કરતા વધુ સ્વસ્થ્ય દેખાય રહ્યા છે. તેમની સાથે પરિવાર જાેવા મળ્યો છે. આ સિવાય તેમનો એક નાનો વિડીયો પણ સામે આવ્યો છે જેમાં તે ખૂબ જ સકારાત્મક જાેવા મળી રહ્યા છે.
આ વિડીયો રાહુલે તેના ઇન્સ્ટાગ્રામ એકાઉન્ટ પર પોસ્ટ કર્યો છે. તમને જણાવી દઈએ કે રાહુલ રોય હાલમાં મુંબઇની નાણાવટી હોસ્પિટલમાં દાખલ છે. તેણે સોમવારે આ ફોટા હોસ્પિટલમાંથી શેર કર્યા છે. તેણે કેપ્શનમાં લખ્યું હું ધીમેથી સ્વસ્થ થઈ રહ્યો છું. હું મારા કુટુંબ, મિત્રો અને ચાહકોનો પણ આભાર માનું છું
જેમણે મારી સુખાકારી માટે પ્રાર્થના કરી. હું જલ્દી થી પાછો આવીશ આપ સૌને ખુબ ખુબ પ્રેમ. જણાવી દઈએ કે અભિનેતા ઠંડા ક્ષેત્રમાં ફિલ્મ કારગિલ માટે શૂટિંગ કરી રહ્યો હતો. તે આ ફિલ્મમાં મહત્વની ભૂમિકા નિભાવતો જાેવા મળશે. લાંબા સમય પછી રાહુલ રોયે ફિલ્મોમાં કમબેક કર્યું હતું પરંતુ તેમનું પુનરાગમન એટલું સરળ જાેવા મળતું નથી. રાહુલ રોયનું સ્વાસ્થ્ય બગડ્યા બાદ ફિલ્મ ઈન્ડસ્ટ્રી તરફથી ઘણા લોકોના આશીર્વાદ મળી રહ્યા છે. પીઢ અભિનેતા સુનીલ શેટ્ટીએ લખ્યું રાહુલ, અમારી પ્રાર્થનાઓ તમારી સાથે છે.
હું તમને ખૂબ પ્રેમ અને સકારાત્મક ઊર્જા આપી રહ્યો છું. તમને જણાવી દઈએ કે રાહુલ રોય ફિલ્મનું શૂટિંગ લગભગ માઈનસ ૧૨-૧૩ ડિગ્રી માં ચાલી રહ્યું હતું. તબિયત લથડતાં રાહુલને તાત્કાલિક મુંબઇ રિફર કરાયા હતા. હવે તેઓ પહેલા કરતાં વધુ સારી સ્થિતિમાં છે અને પરિવારની સંભાળ રાખી રહ્યો છે.
