ભારત બાદ અમેરિકામાં પણ ટીકટોક પર પ્રતિબંધની માંગ
વોશિંગ્ટન, તાજેતરમાં, એલએસી પર ચીનની હરકતોને ધ્યાનમાં રાખીને ભારતે ડ્રેગનનાં ડિજિટલ માર્કેટ પર હુમલો કર્યો અને એક જ ઝટકામાં ટિકટોક સહિત ચીનની ૫૯ એપ પર સંપૂર્ણ પ્રતિબંધ મૂક્યો. બીજી તરફ, કોરોનાથી પીડિત અમેરિકા પણ ચીન વિરુદ્ધ સતત નિવેદનો આપી રહ્યુ છે. યુ.એસ. જે દરરોજ ચીન વિરુદ્ધ નવા નવા નિવેદનો આપી રહ્યુ છે, હવે ત્યા પણ ટિકિટોક ઉપર પ્રતિબંધ મૂકવાની માંગ કરવામાં આવી રહી છે.
કેટલાક અમેરિકન સાંસદો ભારતની તર્જ પર આ પ્રતિબંધની માંગ ઉઠાવી રહ્યા છે. સાંસદોએ યુ.એસ. સરકારને જણાવ્યું હતું કે આ ટૂંકી વીડિયો શેરિંગ એપ્લિકેશન્સ દેશની સુરક્ષા માટે ગંભીર ખતરો છે. નોંધપાત્ર વાત એ છે કે સોમવારે ભારત સરકારે ૫૯ ચીની એપ્સ પર પ્રતિબંધ મૂક્યો છે, જેને ચીન સામે ડિજિટલ સર્જિકલ એટેક પણ કહેવામાં આવે છે. આ નિર્ણય સાથે સરકારે ચીનને જોરદાર સંદેશ આપ્યો છે, ત્યારે ભારતમાં મોટો ફાયદો કરનારી કંપનીઓએ ડેટા સાથે રમનારા ખેલાડીઓને મોટો ઝટકો આપ્યો છે. બિટ ડાન્સ જેવી કંપનીઓ ફેસબુક જેવી કંપનીઓ સાથે ભાગ લેવાનું સ્વપ્ન જોતી સાથે ટિકટોક જેવી એપ્લિકેશન્સ માટે ભારત એક વિશાળ બજાર હતું.
