ભારત વિકાસ પરિષદ ખેડબ્રહ્મા દ્વારા ગુરુવંદના છાત્ર અભિનંદન કાર્યક્રમ યોજાયો

(પ્રતિનિધિ) ખેડબ્રહ્મા, ભારત વિકાસ પરિષદ ખેડબ્રહ્મા દ્વારા શહેરની મધ્યે આવેલ ચંચળબા પ્રાથમિક શાળામાં ગુરુવંદના છાત્ર અભિનંદન કાર્યક્રમ આજરોજ તારીખ ૮ ના રોજ યોજાયો શાળામાં ના વિદ્યાર્થીઓમાં રહેલી સુષુપ્ત શક્તિઓને ઢંઢોળીને બહાર લાવવાનું કામ શાળાઓના વિવિધ પ્લેટફોર્મ પર થતા હોય છે.

આ શાળામાં અભ્યાસ કરતા વિદ્યાર્થીઓએ ભારત વિકાસ પરિષદના બે કાર્યક્રમોમાં નૃત્ય અભિનય કરી ઉપસ્થિત લોકોને પ્રભાવિત કર્યા હતા. આ વિદ્યાર્થીઓની પ્રતિભાને નવાજવા આજે ભારત વિકાસ પરિષદ દ્વારા વિવિધ ભેટો આપવામાં આવી હતી.

આ કાર્યક્રમમાં ભારત વિકાસ પરિષદના મંત્રી રાજેન્દ્ર ગોસ્વામી મનીષભાઈ કોઠારી, મીડિયા ઇન્ચાર્જ હસમુખ પંચાલ, સદસ્ય રાજુભાઈ સિંધી, આરતી બેન, મીનાબેન વિગેરે હાજર રહ્યા હતા. આ કાર્યક્રમનું સફળ સંચાલન શાળાના આચાર્ય અને પ્રકલ્પના સંયોજક શ્રી સુરેશભાઇ પટેલે કર્યું હતું