મને અભિનેતા તરીકે અલ્લુ અર્જુન પસંદ છે: શ્રેયસ તલપડે

મુંબઇ, તેલુગુ એક્ટર અલ્લુ અર્જુનની ફિલ્મ પુષ્પા થિયેટર્સમાં ધૂમ મચાવી રહી છે ત્યારે બોલિવૂડ એક્ટર શ્રેયસ તલપડેની પણ ખૂબ પ્રશંસા થઈ રહી છે. કારણકે, તેલુગુ ફિલ્મ ‘પુષ્પા’ના હિન્દી વર્ઝનમાં એક્ટર અલ્લુ અર્જુનના પાત્ર પુષ્પારાજ માટેનો અવાજ બોલિવૂડ એક્ટર શ્રેયસ તલપડેએ આપ્યો છે.

ત્યારે વાતચીતમાં શ્રેયસ તલપડેએ જણાવ્યું કે પુષ્પા ફિલ્મના હિન્દી વર્ઝનમાં અલ્લુ અર્જુનના પાત્ર ‘પુષ્પા રાજ’નો અવાજ આપવાનો અનુભવ કેવો રહ્યો? એક્ટર શ્રેયસ તલપડેએ જણાવ્યું કે, ફિલ્મ ‘પુષ્પા’ની સફળતા પછી એવી ચર્ચા પણ થઈ રહી છે કે અલ્લુ અર્જુનના પાત્ર ‘પુષ્પા રાજ’નું હિન્દી ડબિંગ કોણે કર્યું છે? જે સાંભળીને મને બહુ સારું લાગી રહ્યું છે.

હું એક મરાઠી શૉનું શૂટિંગ કરી રહ્યો હતો ત્યારે મારા પર ફિલ્મ ‘પુષ્પા’ સાથે જાેડાયેલા મનીષજીનો મેસેજ આવ્યો અને જણાવ્યું કે તેઓ ‘પુષ્પા’ ફિલ્મને સમગ્ર ભારતમાં રિલીઝ કરવાનું વિચારી રહ્યા છે. તેમણે મને ‘પુષ્પા’ના મુખ્ય પાત્ર ‘પુષ્પા રાજ’નું હિન્દી ડબિંગ કરવા માટે કહ્યું. ત્યારે શ્રેયસ તલપડેએ કહ્યું કે ‘મેં અત્યાર સુધીમાં માત્ર હોલિવૂડ ફિલ્મ ‘ધ લાયન કિંગ’ના ડબિંગ વર્ઝન માટે અવાજ આપ્યો છે તેમ છતાં હું ‘પુષ્પા’ માટે શૉટ આપવા તૈયાર છું.

શ્રેયસ તલપડેએ આગળ વાત કરતા જણાવ્યું કે, મને એક્ટર તરીકે અલ્લુ અર્જુન પસંદ છે, મેં સૌપ્રથમ ‘પુષ્પા’ ફિલ્મ જાેઈ અને મને ખૂબ પસંદ આવી. ત્યારબાદ હું તરત જ ‘પુષ્પા’ના અલ્લુ અર્જુનના પાત્ર ‘પુષ્પા રાજ’ના હિન્દી ડબિંગ માટે તૈયાર થઈ ગયો.

મેં જ્યારે ‘પુષ્પા’ની ટીમને પૂછ્યું કે હિન્દી વર્ઝન માટે કેમ મારી પસંદગી કરી ત્યારે મને કહ્યું કે, એક્ટર અલ્લુ અર્જુને મારું (શ્રેયસ તલપડે) કામ જાેયું છે અને તેને એવું લાગ્યું કે ‘પુષ્પા રાજ’ના હિન્દી ડબિંગ માટે હું પરફેક્ટ વ્યક્તિ છું. ‘પુષ્પા રાજ’નું હિન્દી ડબિંગ મારા માટે ખૂબ મોટી જવાબદારી હતી અને આજે તેનું સફળ પરિણામ જાેતા હું ખૂબ ખુશ છું.

શ્રેયસ તલપડેએ એવું પણ કહ્યું કે હવે જ્યારે હું એક્ટર અલ્લુ અર્જુનને મળીશ ત્યારે તેને ભેટી પડીશ અને તેનો આભાર વ્યક્ત કરીશ. સાથે એવું પણ કહીશ કે અલ્લુ અર્જુન તું ‘પુષ્પા’ બન્યો તે માટે ખૂબ ખૂબ આભાર અને તારા પાત્રનું હિન્દીમાં ડબિંગ કરીને મને પણ ‘પુષ્પા’ બનવાની તક મળી તે માટે પણ તારો ખૂબ આભારી છું.SSS