મહારાષ્ટ્ર-કેરળ સહિત કેટલાક રાજ્યોમાં વરસાદની આગાહી
નવી દિલ્હી, ઉત્તર ભારતનું હવામાન સતત બદલાઈ રહ્યું છે. જેમ હોળીનો તહેવાર નજીક આવી રહ્યો છે, તેમજ ગરમીના પ્રમાણમાં પણ સતત વધારો જાેવા મળી રહ્યો છે. સાથે જ હજુ પણ કેટલાક રાજ્યોમાં થોડી ઠંડી છે. બીજી તરફ મહારાષ્ટ્ર, કેરળ જેવા રાજ્યોમાં આજે વરસાદની આગાહી કરવામાં આવી છે. આ સિવાય દિલ્હીમાં આજથી હવામાન બદલાશે.
હવામાન વિભાગના જણાવ્યા અનુસાર રાષ્ટ્રીય રાજધાનીમાં આજનું લઘુત્તમ તાપમાન ૧૬ ડિગ્રી સેલ્સિયસ રહેવાનું છે, જ્યારે મહત્તમ તાપમાન ૩૦ ડિગ્રી સેલ્સિયસ રહેશે. દિલ્હીમાં આજે અને આવતીકાલે હવામાનમાં ફેરફાર જાેવા મળશે. સાથે જ બંને દિવસે ભારે પવનની અપેક્ષા છે. મધ્યપ્રદેશના ભોપાલમાં દિવસ દરમિયાન જાેરદાર તડકો રહેશે. આજનું લઘુત્તમ તાપમાન ૧૪ ડિગ્રી સેલ્સિયસ રહેશે, જ્યારે મહત્તમ તાપમાન ૩૩ ડિગ્રી સેલ્સિયસ રહેવાની સંભાવના છે.
ચંદીગઢમાં આજનું લઘુત્તમ તાપમાન ૧૪ ડિગ્રી સેલ્સિયસ રહેવાની શક્યતા તે જ સમયે મહત્તમ તાપમાન ૩૩ ડિગ્રી સેલ્સિયસ રહેશે. આકાશમાં હળવા વાદળો જાેવા મળશે.
દેહરાદૂનની વાત કરીએ તો અહીં લઘુત્તમ તાપમાન ૧૩ ડિગ્રી સેલ્સિયસ અને મહત્તમ તાપમાન ૩૧ ડિગ્રી સેલ્સિયસ રહેવાની ધારણા છે. લખનૌનું લઘુત્તમ તાપમાન ૧૬ ડિગ્રી અને મહત્તમ તાપમાન ૩૩ ડિગ્રી સેલ્સિયસ રહી શકે છે. તે જ સમયે બિહારના પટનાનું લઘુત્તમ તાપમાન ૧૭ ડિગ્રી સેલ્સિયસ થવા જઈ રહ્યું છે. મહત્તમ તાપમાન ૩૪ ડિગ્રી સેલ્સિયસ રહેશે.
આ સિવાય શિમલામાં આજે હળવા સૂર્યપ્રકાશ સાથે વાદળછાયું વાતાવરણ રહેશે. હવામાન વિભાગના જણાવ્યા અનુસાર શિમલામાં લઘુત્તમ તાપમાન ૧૧ ડિગ્રી સેલ્સિયસ અને મહત્તમ તાપમાન ૨૨ ડિગ્રી સેલ્સિયસ રહેવાનું છે.
આજે દેશના અનેક ભાગોમાં વરસાદ થવાનો છે. સ્કાયમેટ વેધર મુજબ આજે આંદામાન અને નિકોબારમાં વરસાદ પડી શકે છે.
આ સિવાય કેરળ, કર્ણાટક, મહારાષ્ટ્રના કેટલાક ભાગોમાં વરસાદની સંભાવના છે. તે જ સમયે લદ્દાખ અને તેની આસપાસના વિસ્તારોમાં વેસ્ટર્ન ડિસ્ટર્બન્સ જેવુ વાતાવરણ સર્જાયું છે. સાથે જ આગામી દિવસોમાં હવામાનમાં ઘણા વધુ ફેરફારોની અપેક્ષા છે.HS