મહિલાએ જન્મ આપતાની સાથે લાઇમલાઇટમાં આવી પુત્રી

નવી દિલ્હી, કોઈ પણ પતિ-પત્ની માટે માતાપિતા બનવું ખૂબ જ ખાસ હોય છે. જે દિવસે તેમનું બાળક જન્મે છે, તે દિવસ તેમના જીવનનો સૌથી ખાસ દિવસ બની જાય છે, પરંતુ કલ્પના કરો કે જાે બાળક ખરેખર ખાસ દિવસે જન્મે તો શું થશે. તાજેતરમાં જ અમેરિકામાં એક રમુજી અને ચોંકાવનારી ઘટના બની જ્યારે ખૂબ જ ખાસ દિવસે એક બાળકીનો જન્મ થયો.

આ દિવસ એટલો ખાસ છે કે તે લોકોને હંમેશા યાદ રહેશે. ન્યૂ જર્સીની એક મહિલાએ તાજેતરમાં હેકન્સેક મેરિડીયન રેરિટન બે મેડિકલ સેન્ટર ખાતે તેની પુત્રી સ્ટારલિન લુગો કેરેરાને જન્મ આપ્યો છે. તમે વિચારશો કે આમાં શું અજુગતું છે. આવો તમને જણાવીએ કે આમાં આવું સરપ્રાઈઝ શું છે.

ખરેખર, સ્ટારલિનનો જન્મ ૨૨ ફેબ્રુઆરી ૨૦૨૨ના રોજ થયો હતો. જાે કે હોસ્પિટલના પ્રવક્તાએ જણાવ્યું કે રાત્રે ૮ વાગ્યા સુધી તે હોસ્પિટલમાં એક જ દિવસે ૪ બાળકોનો જન્મ થયો હતો, પરંતુ સ્ટારલિન સાથે જાેડાયેલી બીજી એક ચોંકાવનારી વાત સામે આવી છે.

સ્ટારલિનની જન્મતારીખની સાથે સમય પણ ખૂબ જ આશ્ચર્યજનક છે. બાળકીનો જન્મ બપોરે ૨.૨૨ કલાકે થયો હતો. એટલે કે બાળકીનો જન્મ ૨૨.૨૨.૨૨ના રોજ ૨.૨૨ વાગ્યે થયો હતો. તમને જણાવી દઈએ કે આવી તારીખને પેલિન્ડ્રોમ ડે કહેવામાં આવે છે. એટલે કે, તે શબ્દો અથવા સંખ્યાઓ જે આગળ અથવા પાછળથી વાંચવામાં આવે ત્યારે સમાન રહે છે.

તેથી જ આ દિવસને પેલિન્ડ્રોમ ડે અથવા ‘ટુસડે’ પણ કહેવામાં આવે છે. ધ ઈન્ડિપેન્ડન્ટના અહેવાલ મુજબ અમેરિકાના નોર્થ કેરોલિનામાં એક બાળકીનો જન્મ પણ થયો છે, જેનો સંયોગ વધુ આશ્ચર્યજનક છે. બાળકીનો જન્મ ૨૨.૨૨.૨૨ના રોજ સવારે ૨.૨૨ કલાકે રૂમ નંબર ૨માં થયો હતો.

ઘણી જગ્યાએ એવું માનવામાં આવે છે કે પેલિન્ડ્રોમ તારીખો ભાગ્યશાળી છે. પરંતુ લોકો સામાન્ય રીતે આ ખાસ પ્રકારના દિવસનો લાભ લેવા અથવા કોઈ મહત્વપૂર્ણ પગલું ભરવા માટે લગ્ન કરે છે જેના દ્વારા તેઓ નસીબદાર બને છે. હવે તમને આગામી પેલિન્ડ્રોમ તારીખ ૦૮.૨.૮૦ જાેવા મળશે. આ મહિને ૨.૨.૨૨ પણ પેલિન્ડ્રોમ તારીખ હતી.SSS