મોડલના બળાત્કારના આરોપી, ફિલ્મ નિર્માતા ગુણવંત જૈનને સરેન્ડર કરવા કોર્ટનો આદેશ

ન્યાયાધીશે કહ્યું કે ડિફોલ્ટની સ્થિતિમાં, તપાસ અધિકારી આદેશનું પાલન કરવાના હેતુસર કાયદા મુજબ આરોપીની ધરપકડ કરવા માટે સ્વતંત્ર હશે

મુંબઈ,
મુંબઈની એક અદાલતે મોડલના બળાત્કારના આરોપી ફિલ્મ નિર્માતાને શરણાગતિ સ્વીકારવાનો નિર્દેશ આપ્યો હતો. મુંબઈની સેશન્સ કોર્ટે ૩૮ વર્ષીય મોડલ પર બળાત્કારના આરોપી ફિલ્મ નિર્માતા ગુણવંત જૈનને પોલીસ સમક્ષ આત્મસમર્પણ કરવાનો નિર્દેશ આપ્યો હતો.મેજિસ્ટ્રેટના આદેશને બાજુ પર રાખીને જૈનને તેમની ધરપકડ પછી છોડી દેવામાં આવ્યા હતા, વધારાના સેશન્સ જજ (દિંડોશી કોર્ટ) ડીજી ધોબલે, ૨૪ ડિસેમ્બરના તેમના આદેશમાં, આરોપીને તાત્કાલિક સંબંધિત પોલીસ સ્ટેશન (પશ્ચિમ મુંબઈમાં વર્સાેવા) સમક્ષ આત્મસમર્પણ કરવાનો નિર્દેશ આપ્યો હતો .ન્યાયાધીશે કહ્યું કે ડિફોલ્ટની સ્થિતિમાં, તપાસ અધિકારી આદેશનું પાલન કરવાના હેતુસર કાયદા મુજબ આરોપીની ધરપકડ કરવા માટે સ્વતંત્ર હશે.

વર્સાેવા પોલીસે ગઈ કાલે ૩૮ વર્ષની અભિનેત્રી અને માડલનું અપકમિંગ ફિલ્મ સન આૅફ સરદાર પાર્ટ ૨માં રોલ આૅફર કરવાના બહાને જાતીય શોષણ કરવા બદલ ફિલ્મ ડિરેક્ટરની ધરપકડ કરી હતી.પોલીસના જણાવ્યા અનુસાર, આરોપી ગુણવંત તારાચંદ જૈન ઉર્ફે નિકેશ માધાનીએ કથિત રીતે મોડલને લાલચ આપી હતી અને તેને ફિલ્મમાં અભિનેતા અજય દેવગનના પાત્રની બહેન તરીકે કાસ્ટ કરવાનું વચન આપ્યું હતું. કથિત સ્ક્રીન ટેસ્ટ અને ફોટોશૂટ દરમિયાન તેણે કથિત રીતે તેને ડ્રગ્સથી ભરેલું કોલ્ડ ડ્રિંક પીવડાવ્યું હતું, જેના કારણે તે બેભાન થઈ ગઈ હતી.

ત્યારબાદ માધાનીએ કથિત રૂપે તેના પર બળાત્કાર કર્યાે અને આ કૃત્ય તેના મોબાઇલ ફોનમાં રેકોર્ડ કર્યું, બાદમાં કથિત રીતે ધમકી આપી કે જો તેણી તેની સાથે સંબંધ નહીં રાખે તો તે વીડિયો વાયરલ કરી દેશે.ફરિયાદીએ જણાવ્યું હતું કે કેટલાક મહિનાઓથી તેણીનું વારંવાર યૌન શોષણ કરવામાં આવ્યું હતું. જ્યારે તેણીએ તેને મળવાનો ઇનકાર કર્યાે, ત્યારે આરોપીએ તેના પતિને એક વીડિયો મોકલ્યો, જેના કારણે બંને વચ્ચે અણબનાવ થયો અને આખરે તેઓ અલગ થઈ ગયા. પીડિતાએ આખરે ફરિયાદ નોંધાવી હતી.ss1