મોડાસિયા પરગણા રોહિત સમાજ તેજસ્વી તરલાઓનો સન્માન સમારંભ યોજાયો

અરવલ્લી જિલ્લાના મોડાસા ખાતે રોહિત સમાજનો પ્રથમ તેજસ્વી તારલા અને નવનિયુક્ત કર્મચારીઓનો સન્માન સમારંભ ટાઉન હોલ મોડાસામાં યોજાઈ ગયો. સમારંભના અધ્યક્ષ રાજેન્દ્રસિંહજી ઠાકોર અને આર.કે.રાઠોડ તથા જે.આર દેસાઈ , ભગાભાઈ મોડાસા કિરીટભાઈ પટેલ સરપંચ વગેરે મહેમાનોએ હાજર રહી વિદ્યાર્થીઓને પ્રોત્સાહિત કર્યા હતા.

ડો.અશ્વિન ભાઈ રાઠોડ અને રાકેશ .આર.શાહ તથા રવિ રાઠોડે શિલ્ડ, સર્ટિફિકેટ , ચોપડા અને બાબાસાહેબનું પુસ્તક આપીને વિદ્યાર્થીઓને પ્રોત્સાહિત કર્યા હતા.આ પ્રસંગે રોહિત સમાજ વિકાસ મંડળના પ્રમુખ ડો.એચ.કે.સોલંકીએ શિક્ષણ પર ભાર મુક્યો હતો.મુકેશભાઈ પરમારે આવેલ મહેમાનોનું શાબ્દિક સ્વાગત કર્યું હતું.સમાજની દીકરીઓએ પ્રાર્થના અને સ્વાગતગીત રજૂ કર્યું હતું.

સમાજના વિદ્યાર્થીઓ, કર્મચારીઓ અને આગેવાનો વગેરે મોટી સંખ્યામાં હાજર રહીને પ્રોત્સાહન પૂરું પાડ્યું હતું.જિલ્લા મથક મોડાસા ખાતે 18/8/19ના રોજ થનારા સમાજવાડીના ખાત મુહૂર્ત માટે દાતાઓ તરફથી દાન મળ્યું હતું.આવનારા દિવસોમાં મોડાસા ખાતે લાયબ્રેરી, સ્પર્ધાત્મક પરીક્ષાના વર્ગો અને છાત્રાલય બનાવવા માટે મંડળ કટિબદ્ધ છે.મોડાસીયા પરગણા રોહિત સમાજ વિકાસ મંડળના મંત્રી જયંતિભાઈ કોલીખડ સહમંત્રી રાકેશભાઈ શાહ,ઉપપ્રમુખ શનભાઈ પરમાર તેમજ  કારોબારી સભ્યો અને સમાજના સાથ સહકારથી કાર્યક્રમ સફળ થયો હતો.આભાર વિધિ કેશાભાઈ શીણોલે આભાર વિધિ કરી હતી.