યૌન શોષણથી ૧૦ વર્ષની બાળકી ગર્ભવતી, ગર્ભપાત કરાવવાનો આદેશ

તિરુવનંતપુરમ, કેરળ હાઈકોર્ટે  યૌન શોષણનો શિકાર બનેલી ૧૦ વર્ષીય ગર્ભવતી બાળકી માટે તબીબી ગર્ભપાતની  મંજૂરી આપી છે. આ બાળકી   ૩૦  અઠવાડિયાથી  વધુની  ગર્ભવતી છે. બાળકીને રાહત આપતા હાઈકોર્ટે તિરુવનંતપુરમની એસએટી હોસ્પિટલમાં  મેડિકલ ગર્ભપાતની મંજૂરી આપી  છે. પીડિતાની તપાસ માટે રચાયેલ મેડિકલ બોર્ડે કહ્યું છે કે આ પ્રક્રિયામાં બાળકના બચવાની ૮૦ ટકા  શક્યતા છે. આ માટે, કોર્ટે  રાજ્ય સરકાર અને હોસ્પિટલને   સુનિશ્ચિત કરવા માટે નિર્દેશ  આપ્યો  કે  જાે બાળક જીવિત જન્મે છે, તો તેને તમામ જરૂરી તબીબી  સહાય પૂરી પાડવામાં આવે છે.

આ નિર્દેશો સાથે કોર્ટે પીડિત બાળકીની માતા  દ્વારા દાખલ કરવામાં  આવેલી  અરજીને મંજૂરી આપી  હતી. આ અરજીમાં પીડિતાની માતાએ ગર્ભપાતની પરવાનગી  માંગી હતી. આ સાથે હાઈકોર્ટે  આટલી નાની ઉંમરમાં ગર્ભવતી બનેલી ૧૦ વર્ષની બાળકીની દુર્દશાને પણ દુર્ભાગ્યપૂર્ણ  ગણાવી હતી.

મેડિકલ  બોર્ડે તેના રિપોર્ટમાં કહ્યું છે કે ગર્ભપાત માટે સર્જરીની જરૂર પડશે અને બાળકના જીવિત રહેવાની ૮૦ ટકા શક્યતા છે. બોર્ડે એમ પણ કહ્યું છે કે આ પ્રક્રિયા બાળકના સ્વાસ્થ્યના સંદર્ભમાં તબીબી જટિલતાઓ થઇ શકે છે અને નવજાત શિશુને પણ તબીબી જાેખમની શક્યતા છે.HS