રાજકુમાર હિરાની સાથે વિકીની ત્રીજી ફિલ્મ ‘છાવા’માં લીડ રોલ પહેલી વખત મળશે

રાજકુમાર હિરાની સાથે વિકી કૌશલ વધુ એક ફિલ્મ કરશે

૬ ડિસેમ્બરે રિલીઝ થનારી આ ફિલ્મમાં વિકી સાથે રશ્મિકા મંદાના યેસુબાઈ ભોંસલેના રોલમાં જોવા મળશે

મુંબઈ,હાલ તો વિકી કૌશલ તેની આગામી ફિલ્મ ‘છાવા’ની તૈયારીઓમાં વ્યસ્ત છે. આ ફિલ્મની રિલીઝ ડેટ પોસ્ટપોન થવાની શક્યતા છે ત્યારે હવે એવા અહેવાલો આવી રહ્યા છે કે તે રાજકુમાર હિરાની સાથે આગામી ફિલ્મ માટે કામ કરવા જઇ રહ્યો છે. આ પહેલા વિકી અને રાજકુમાર હિરાની ‘સંજુ’ અને ‘ડંકી’માં સાથે કામ કરી ચૂક્યા છે.મહત્વની વાત એ છે કે આ વખતે વિકી રાજકુમાર હિરાનીની ફિલ્મમાં લીડ રોલમાં જોવા મળશે. પહેલાં રાજકુમાર હિરાનીએ વિકી સિવાયના વિકલ્પો પર વિચાર વિમર્શ કર્યા પછી તેમણે સામેથી વિકીનો સંપર્ક કર્યાે હતો.

જોકે, હજુ આ અંગે કોઈ ઓફિશિયલ જાહેરાત થઈ નથી અને વધુ કોઇ માહિતી પણ શેર કરવામાં આવી નથી. વિકી ‘છાવા’માં છત્રપતિ સંભાજી મહારાજની ભૂમિકામાં જોવા મળશે. જેમાં તે એક બહાદુર યોદ્ધાની જેમ યુદ્ધ લડતો જોવા મળશે. ફિલ્મના મેકર્સ દ્વારા એક નાનું ટીઝર લોંચ કરવામાં આવ્યું હતું, જેમાં વિકીએ તેના દેખાવ અને એક્શનથી બધાને પ્રભાવિત કર્યા હતા. ફિલ્મનું ટીઝર લોંચ થાય તે પહેલાં વિકીએ પોતાના સોશિયલ મીડિયા પર એક પોસ્ટર પણ શેર કર્યું હતું. જેમાં તે હજારો સૈનિકો સામે લડતો જણાય છે.

કેટલાંક લોકોએ રણવીર સિંહના બાજીરાવ મસ્તાનીના રોલ સાથે વિકીની સરખામણી પણ કરી હતી. વિકી માટે પણ આ રોલ એક પડકાર છે, જેને તે પોતાની એક્ટિંગથી અલગ અને યાદગાર બનાવી દેશે. ૬ ડિસેમ્બરે રિલીઝ થનારી આ ફિલ્મમાં વિકી સાથે રશ્મિકા મંદાના યેસુબાઈ ભોંસલેના રોલમાં જોવા મળશે. છત્રપતિ સંભાજી મહારાજ સંભાજી શિવાજી મહારાજના પુત્ર હતાં. તેમના જીવન પર આધારીત આ એક ઐતિહાસિક ફિલ્મ છે. જોકે, હવે ફિલ્મના મેકર્સ આ ફિલ્મની રિલીઝ ડેટ બદલવા પર પણ વિચાર કરી રહ્યા છે, કારણ કે આ જ દિવસે ‘પુષ્પા ૨’ પણ રિલીઝ થઈ રહી છે અને બંને વચ્ચેનો ક્લેશ ટાળવા માટે આવું થવું શક્ય છે.ss1