રામમંદિર માટે મારું પણ એક સપનું હતું: અડવાણી

ભાજપના વરિષ્ઠ નેતા એલકે અડવાણીએ કહ્યું, રામ મંદિર આંદોલનમાં સામેલ થવું મારા માટે સૌભાગ્યની વાત છે

નવી દિલ્હી, અયોધ્યામાં રામ મંદિરના ભૂમિ પૂજનની તૈયારીઓ પૂરી થઈ ચૂકી છે. આખી અયોધ્યા નવવધૂની જેમ સજાવી દેવાઈ છે. ૫ ઓગસ્ટે થનારા ભૂમિ પૂજનમાં લાલકૃષ્ણ અડવાણીને આમંત્રણ નથી અપાયું. જોકે, તેની પાછળ તેમની ઉંમરને કારણ જણાવ્યું છે. હવે, લાલકૃષ્ણ અડવાણીએ એક સ્ટેટમેન્ટમાં કહ્યું છે કે, રામ મંદિર આંદોલનમાં સામેલ થવું મારા માટે સૌભાગ્યની વાત છે. ભાજપના સીનિયર નેતા લાલકૃષ્ણ અડવાણીએ કહ્યું કે, ‘હું એ અનુભવું છું કે, રામ જન્મભૂમિ આંદોલન દરમિયાન, ભાગ્યથી મેં ૧૯૯૦માં સોમનાથથી અયોધ્યા સુધી રથયાત્રાના રૂપમાં એક મહત્વપૂર્ણ ફરજ નિભાવી જેણે પોતાના અગણિત સહભાગીઓની આકાંક્ષાઓ, ઉર્જાઓ અને જનૂનને મજબૂત કરવામાં મદદ કરી.

અડવાણીએ કહ્યું કે, ‘ક્યારેક-ક્યારેક કોઈના જીવનમાં મહત્વપૂર્ણ સપના આવવામાં ઘણો સમય લાગે છે, પરંતુ જ્યારે તેને આખરે જાણ થાય છે, તો રાહ જોવાનું ઘણું સાર્થક થઈ જાય છે. એવું જ એક સપનું, મારા દિલની નજીક છે, જે હવે પૂરું થઈ રહ્યું છે. વડાપ્રધાન નરેન્દ્ર મોદી શ્રી રામના જન્મસ્થળ અયોધ્યામાં શ્રી રામ મંદિર નિર્માણની આધારશિલા રાખી રહ્યા છે. તે ખરેખર મારા માટે જ નહીં, પરંતુ બધા ભારતીયો માટે એક ઐતિહાસિક અને ભાવનાત્મક દિવસ છે. તેમણે આગળ કહ્યું કે, ‘રામ જન્મભૂમિ પર શ્રી રામ માટે એક ભવ્ય મંદિર ભારતીય જનતા પાર્ટી માટે એક ઈચ્છા અને મિશન રહ્યું છે. આ શુભ પ્રસંગે, હું રામ જન્મભૂમિ આંદોલનમાં બહુમૂલ્ય યોગદાન અને બલિદાન આપનારા ભારત અને દુનિયાના સંતો, નેતાઓ અને લોકો પ્રત્યે આભાર વ્યક્ત કરવા ઈચ્છું છું.’

લાલકૃષ્ણ અડવાણીએ કહ્યું કે, ‘મને એ વાતની પણ ઘણી ખુશી છે કે, નવેમ્બર ૨૦૧૯માં સુપ્રીમ કોર્ટના નિર્ણાયક ચુકાદાના કારણે, શ્રી રામ મંદિરનું નિર્માણ શાંતિના વાતાવરણમાં શરૂ થઈ રહ્યું છે. તે ભારતીયો વચ્ચેના બંધનને મજબૂત કરવામાં એક લાંબો રસ્તો બનાવશે. શ્રી રામ ભારતની સાંસ્કૃતિક અને સભ્યતાની વિરાસતમાં એક સન્માનિત સ્થાન પર બિરાજમાન છે અને અનુગ્રહ, ગરિમા અને આભૂષણના પ્રતીક છે. એ મારો વિશ્વાસ છે કે આ મંદિર બધા ઈન્ડિયનસ્ટોને તેમના ગુણો વિશે જણાવશે.