લખનૌનિ ટીમ રાહુલને ૨૦ કરોડ આપીને નેતૃત્વ સોંપશે

નવી દિલ્હી, ઈન્ડિયન પ્રીમિયર લીગની આગામી સિઝન માટે નવી ટીમો સાથે મેગા ઓક્શનની તૈયારીઓ ચાલી રહી છે. ટુર્નામેન્ટના ભાગરૂપે, ૮ ટીમોને તેમના ચાર ખેલાડીઓને જાળવી રાખવાનો વિકલ્પ આપવામાં આવ્યો છે.

આ સિવાય બાકીના ખેલાડીઓએ ઓક્શનમાં ઉતરવું પડશે. કેપ્ટન કેએલ રાહુલ, જેણે ફ્રેન્ચાઇઝી ટીમ પંજાબ કિંગ્સ છોડવાનું મન બનાવી લીધું છે, તે નવી ટીમમાં સામેલ થવાના અહેવાલ છે. મળતી માહિતી મુજબ લખનૌની ટીમ તેને પોતાનો કેપ્ટન બનાવવા માગે છે.

ભારતીય ક્રિકેટ ટીમના ઓપનર કેએલ રાહુલ ખૂબ જ પ્રતિભાશાળી બેટ્‌સમેન હોવાને કારણે ટીમમાં અન્ય ઘણી રીતે યોગદાન આપી શકે છે. તે ઓપનિંગની સાથે કેપ્ટન્સી સંભાળે છે અને પ્લેઈંગ ઈલેવનમાં વિકેટકીપર તરીકે સામેલ થઈને ખેલાડી માટે જગ્યા પણ બનાવી શકે છે.

ટીમમાં તેના યોગદાનને જાેતા ઘણી ફ્રેન્ચાઇઝી ટીમો તેના પર દાવ લગાવવા માગે છે. હાલની આઠ ટીમોએ ચાર ખેલાડીઓને જાળવી રાખવાના છે. બે નવી ટીમો રિલીઝ થયેલા ખેલાડીઓમાંથી ત્રણ જેટલા ખેલાડીઓ પસંદ કરી શકે છે.

મળતી માહિતી મુજબ, આઈપીએલની નવી સિઝનમાં પ્રવેશવા જઈ રહેલી લખનૌની ટીમે રાહુલને અત્યાર સુધીના કોઈપણ ખેલાડીને મળેલી રકમમાં સૌથી વધુ પગારની ઓફર કરી છે. ૨૦ કરોડની ઓફર કરવામાં આવી છેએક વેબસાઈટનાઅનુસાર, લખનૌની ટીમની માલિકી મેળવનાર આરપીએસજીજૂથે રાહુલને ટીમમાં સામેલ થવાની ઓફર કરી છે.

આરપી રાજીવ ગોએન્કાએ ૭૦૦૦ કરોડની મોટી રકમ ચૂકવીને ટીમ મેળવી છે. રાહુલ ઈન્ડિયન પ્રીમિયર લીગના ઈતિહાસનો સૌથી મોંઘો ખેલાડી બનવા જઈ રહ્યો છે. જાે તે લખનૌની ટીમની કેપ્ટનશીપનો પ્રસ્તાવ સ્વીકારે છે તો ૨૦ કરોડની રકમ પગાર તરીકે આપવામાં આવશે. અગાઉ રોયલ ચેલેન્જર્સ બેંગ્લોર ટીમની કેપ્ટનશીપ કરી રહેલા વિરાટ કોહલી ટૂર્નામેન્ટનો સૌથી મોંઘો ખેલાડી હતો. ૨૦૧૮ સુધી તેમનો પગાર ૧૮ કરોડ રૂપિયા હતો.SSS