લાલ બહાદૂર સ્ટેડિયમમાં 71 હજાર વૃક્ષોને વાવી નમો વન બનાવાયું
અમદાવાદ મ્યુન્સિપલ કોર્પોરેશન દ્વારા વડાપ્રધાન નરેન્દ્ર મોદીના 71માં જન્મદિવસની અનોખી રીતે ઉજવણી કરી હતી. કોર્પોરેશન દ્વારા વડાપ્રધાનના જન્મદિવસને લઈ બાપુનગરના લાલ બહાદૂર સ્ટેડિયમમાં 71 હજાર વૃક્ષોને વાવી નમો વન બનાવાયું જેમાં એક જ અઠવાડિયામાં 1.25 લાખ વૃક્ષો વાવવામાં આવશે.
આજે સવારે મુખ્યમંત્રી ભૂપેન્દ્રભાઈ પટેલે અમદાવાદના બાપુનગરના લાલ બહાદૂર સ્ટેડિયમમાં વૃક્ષો વાવ્યા હતા. આ પ્રસંગે અમદાવાદના મેયર, પ્રદિપસિંહ જાડેજા, હિતેષ બારોટ, ભાસ્કર ભટ્ટ, ધર્મેન્દ્ર પટેલ અને અન્ય મહાનુભાવો ઉપસ્થિત રહ્યા હતા. 
