વરસાદ અને પૂરના કારણે મણિપુરના ૮૬ વિસ્તારોમાં પાણી પ્રવેશ્યું

૪ ઉત્તર-પૂર્વ રાજ્યોમાં કુદરતી વિનાશ

મુખ્ય પ્રધાન એન બિરેન સિંહે જણાવ્યું હતું કે, “ઘણા વિસ્તારોમાં નદી કિનારાના બંધના ભંગને કારણે નાગરિકો અને પ્રાણીઓને અસર થઈ છે

નવી દિલ્હી,રામલ વાવાઝોડાને કારણે ઉત્તર-પૂર્વના લગભગ તમામ રાજ્યો પ્રભાવિત થયા છે. મણિપુર, મિઝોરમ, નાગાલેન્ડ, આસામ અને મેઘાલયમાં તબાહીના દ્રશ્યો છે. મણિપુરની ઈમ્ફાલ ખીણમાં ભારે વરસાદને કારણે આવેલા પૂરથી હજારો લોકો પ્રભાવિત થયા છે. એજન્સીના જણાવ્યા અનુસાર અધિકારીઓએ બુધવારે જણાવ્યું હતું કે ઈમ્ફાલ નદીના વહેણને કારણે ઘણા વિસ્તારોમાં પૂર આવી ગયું છે અને સેંકડો ઘરોમાં પાણી ઘૂસી ગયા છે. આ પછી વિસ્તારના લોકોએ કોમ્યુનિટી હોલમાં આશરો લીધો છે.અધિકારીઓએ જણાવ્યું હતું કે ઇમ્ફાલ પશ્ચિમ જિલ્લાના ખુમાન લેમ્પક, નાગારમ, સગોલબંદ, ઉરીપોક, કેસમથોંગ અને પાઓના વિસ્તારો સહિત ઓછામાં ઓછા ૮૬ વિસ્તારોમાં પૂરના અહેવાલ છે.

અવિરત વરસાદને કારણે, ઇમ્ફાલ પૂર્વ જિલ્લાના કેરાંગ, ખાબમ અને લારિયાંગબમ લેઇકાઇ વિસ્તારો પાસે ઇમ્ફાલ નદીના કાંઠા તૂટી ગયા છે અને ઘણા વિસ્તારોમાં પાણી પ્રવેશી ગયા છે, સેંકડો ઘરો ડૂબી ગયા છે.”ઈમ્ફાલ પૂર્વ જિલ્લાના હેનગાંગ અને ખુરાઈ વિધાનસભા મતવિસ્તારના ઘણા વિસ્તારો ખરાબ રીતે પ્રભાવિત થયા છે, ઘણા વિસ્તારોમાં પૂરના પાણી છાતીના સ્તરે પહોંચી ગયા છે,” એક અધિકારીએ જણાવ્યું હતું.અધિકારીઓએ જણાવ્યું હતું કે રાષ્ટ્રીય આપત્તિ પ્રતિભાવ દળ (દ્ગડ્ઢઇહ્લ) ની એક ટીમ બચાવ કામગીરીનું નેતૃત્વ કરવા માટે લગભગ ૧૦ વાગ્યે એરફોર્સની વિશેષ ફ્લાઇટ દ્વારા ઇમ્ફાલ પહોંચી હતી.

મણિપુરના મુખ્યમંત્રી એન બિરેન સિંહે જણાવ્યું હતું કે, “કેટલાક વિસ્તારોમાં નદીકાંઠાના બંધના ભંગને કારણે નાગરિકો અને પ્રાણીઓ પ્રભાવિત થયા છે. રાજ્ય સરકારના અધિકારીઓ, સુરક્ષા અને દ્ગડ્ઢઇહ્લના જવાનો અને સ્થાનિક સ્વયંસેવકો સહિત તમામ સંબંધિત સત્તાવાળાઓ અસરગ્રસ્ત લોકોને સહાય પૂરી પાડી રહ્યા છે. ફસાયેલા લોકોને સુરક્ષિત વિસ્તારોમાં પહોંચાડવાના પ્રયાસો કરવામાં આવી રહ્યા છે.દરમિયાન, અધિકારીઓએ જણાવ્યું હતું કે ઇમ્ફાલ અને સિલચરને જોડતો રાષ્ટ્રીય ધોરીમાર્ગ ૩૭ પરનો ઇરાંગ બેઇલી બ્રિજ તૂટી પડ્યો હતો, જેના કારણે રોડ કનેક્ટિવિટી ખોરવાઇ હતી.

એક નિવેદનમાં, ઇમ્ફાલ પૂર્વ જિલ્લાના એસપી કાર્યાલયે જણાવ્યું હતું કે, “છેલ્લા કેટલાક દિવસોથી સતત વરસાદને કારણે ઘણા વિસ્તારો ડૂબી ગયા છે. પોલીસ વિભાગ અને અન્ય એજન્સીઓ ફસાયેલા લોકોને બચાવવામાં મદદ કરી રહી છે. જાહેર અપીલ કરવામાં આવી છે. મોટી સંખ્યામાં બહાર આવીને અને ભીડ બનાવીને બચાવ કામગીરીમાં અવરોધ ન આવે.”એજન્સી અનુસાર, ચક્રવાત રામલને કારણે ઉત્તર-પૂર્વના લગભગ તમામ રાજ્યો પ્રભાવિત થયા છે. તેના કારણે ઉત્તર-પૂર્વના તમામ આઠ રાજ્યોમાં માર્ગ અને રેલ સંચાર પર પણ વિપરીત અસર થઈ છે. ચાર રાજ્યોમાં ભારે વરસાદ અને ભૂસ્ખલનને કારણે ૩૮ નાગરિકોના મોત થયા છે.

મિઝોરમમાં ૨૯, નાગાલેન્ડમાં ૪, આસામમાં ૩ અને મેઘાલયમાં ૨ નાગરિકોના મોત થયાના અહેવાલ છે.આપને જણાવી દઈએ કે ડિઝાસ્ટર મેનેજમેન્ટ અને પોલીસ અધિકારીઓએ જણાવ્યું હતું કે આઈઝોલમાં મેલ્થમ અને હિલીમેન વચ્ચેની ખાણ સ્થળ પરથી અત્યાર સુધીમાં ૨૫ મૃતદેહો મળી આવ્યા છે, જ્યારે અન્ય ઘણા લોકો હજુ પણ કાટમાળ નીચે ફસાયેલા છે. જિલ્લાના સાલેમ, આઈબક, લુંગસેઈ, કેલ્હીસ અને ફાલ્કનમાં ભૂસ્ખલનને કારણે છ લોકોના મોત થયા છે અને ઘણા લોકો ગુમ છે.ss1