વિરાટની બહેનના લગ્ન મંદિરમાં સાદગીથી થયા

મુંબઈ, ગુમ હૈ કિસી કે પ્યાર મેંના એક્ટર્સ નીલ ભટ્ટ (વિરાટ) અને ઐશ્વર્યા શર્મા (પાખી) નવેમ્બર, ૨૦૨૧ના રોજ લગ્નના બંધનમાં બંધાયા હતા. કપલના લગ્ન એક્ટ્રેસના વતન મધ્યપ્રદેશના મહિદપુરમાં યોજાયા હતા. લગ્ન બાદ કપલે મુંબઈની ફાઈવ સ્ટાર હોટેલમાં રિસેપ્શન યોજ્યું હતું. જેમાં તેના શોના તમામ કલાકારો હાજર રહ્યા હતા.

આ સિવાય બોલિવુડ અદાકારા રેખાએ પણ હાજરી આપીને ફંક્શનને યાદગાર બનાવ્યું હતું. નીલ અને ઐશ્વર્યાના વેડિંગ ફંક્શનના વીડિયો અને તસવીરો ઈન્ટરનેટ પર ખૂબ વાયરલ થયા હતા. હવે કપલને સેલિબ્રેશન માટેનું વધુ એક કારણ મળ્યું છે. વાત એમ છે કે, નીલ ભટ્ટની બહેન શિખા ભટ્ટના પરણી ગઈ છે.

શિખા ભટ્ટના લગ્ન મંદિરમાં ખૂબ સાદગીથી યોજાયા હતા. લગ્નની તસવીરો ઐશ્વર્યા શર્માએ તેના ઈન્સ્ટાગ્રામ હેન્ડલ પર શેર કરી છે. જેમાં તેની નણંદ તેના પતિ નિસર્ગ દેસાઈ સાથે જાેવા મળી રહી છે. ઐશ્વર્યા શર્માએ જે તસવીરો શેર કરી છે તેમાં તેની નણંદે રેડ કલરનું આઉટફિટ પહેર્યું છે અને તે સુંદર લાગી રહી છે.

જ્યારે તેના પતિએ પીળા કલરનો કૂર્તો અને ડેનિમ પહેર્યું છે. તસવીરોમાં નીલ ભટ્ટના માતા-પિતા અને શિખા ભટ્ટના સાસુ-સસરાને પણ જાેઈ શકાય છે. તસવીરોમાં ઐશ્વર્યા શર્મા સિલ્ક સલવાર-કમીઝમાં ગોર્જિયસ લાગે છે તો નીલ ભટ્ટ પણ કૂર્તા-પાયજામામાં જામી રહ્યો છે.

ત્રીજી તસવીરમાં નીલ ભટ્ટ, ઐશ્વર્યા શર્મા, શિખા ભટ્ટ અને તેનો પતિ મસ્તી કરી રહ્યા છે. આ તસવીરમાં નીલ ફોટો બોમ્બ બનવાનો પ્રયાસ કરી રહ્યો હોય તેમ લાગી રહ્યું છે. ઐશ્વર્યા શર્માએ આ જ પોસ્ટમાં પતિ સાથેની પણ બે સુંદર તસવીર શેર કરી છે. જેમાં બંને મેડ ફોર ઈચ અધર’ લાગી રહ્યા છે.

તસવીરોની સાથે એક્ટ્રેસે લખ્યું છે અભિનંદન શિખા ભટ્ટ અને નિસર્ગ દેસાઈ. લગ્નની રાહ જાેઈ રહું છે. આ કેપ્શન પરથી એક્ટ્રેસની નણંદના મંદિરમાં લગ્ન થયા બાદ હવે ધામધૂમથી લગ્ન થવાના હશે તેમ લાગી રહ્યું છે. ઐશ્વર્યા શર્માના તેની નણંદ સાથેના સંબંધો ખૂબ સારા છ. ડિસેમ્બરમાં જ્યારે એક્ટ્રેસનો લગ્ન બાદનો પહેલો બર્થ ડે હતો ત્યારે પણ નણંદ અને સાસુએ તેને સ્વીટ સરપ્રાઈઝ આપી હતી.SSS