વેન્ટિલેટર પર રાખેલા માસૂમે કેક કાપીને બર્થ ડે મનાવ્યો

નવી દિલ્હી, માસૂમ બાળકની જીદ સામે સૌ કોઈ ઝૂકી જાય છે. અને જ્યારે તે બાળક પથારીમાં હોય તો બાળકની ખુશીથી મોટું કંઈ જ નથી. આવો જ એક કિસ્સો સામે આવ્યો છે જેમાં ૧૩ વર્ષના બાળકનો જીવન પ્રત્યેનો જુસ્સો એટલો બધો હતો કે હોસ્પિટલ મેનેજમેન્ટને પણ માસૂમ સામે ઝુકવું પડ્યું. હા, એક ૧૩ વર્ષનો માસૂમ જેની બંને કિડની ફેઈલ થઈ ગઈ છે.

બાળક વેન્ટિલેટર પર છે. તેની ગંભીર બીમારી હોવા છતાં, બાળક મક્કમ હતું કે તે તેનો જન્મદિવસ કેક કાપીને ઉજવશે. બાળકની જીદ સામે હોસ્પિટલ મેનેજમેન્ટ અને ડોકટરો પણ ઝૂકી ગયા હતા. આખરે ડૉ. શૈલેન્દ્ર રાજપૂતે કેક મંગાવી અને તેને બાળકે કાપી. હોસ્પિટલ મેનેજમેન્ટે સાથે મળીને ન માત્ર કેક કાપી, પરંતુ બાળકનો જન્મદિવસ પણ ઉજવ્યો.

આ હૃદયસ્પર્શી દ્રશ્ય જબલપુર બદરિયા મેટ્રો હોસ્પિટલનું છે, જ્યાં એક ૧૩ વર્ષનો બાળક ગંભીર બીમારી સામે ઝઝૂમી રહ્યો છે. બાળક વેન્ટિલેટર પર છે અને તેની બંને કિડની ફેઈલ થઈ ગઈ છે. જબલપુરના રાંઝી વિસ્તારનો રહેવાસી ૧૩ વર્ષનો છોકરો ધોરણ ૮માં અભ્યાસ કરે છે. ડો.શૈલેન્દ્ર રાજપૂતે જણાવ્યું કે પહેલા બાળકને તાવ આવ્યો, પછી મોઢા અને પગમાં સોજા આવી ગયા, બાળકની તપાસ કરવામાં આવી તો ખબર પડી કે કિડની ખરાબ છે.

આ સાથે તેને હૃદયની સમસ્યા પણ છે. બાળક છેલ્લા ત્રણ મહિનાથી ડાયાલિસિસ પર છે. કિડનીમાં વધતી જતી સમસ્યાને કારણે માસૂમને વેન્ટીલેટર પર રાખવામાં આવ્યો છે.SS1MS