શામળાજી પોલીસે કારમાંથી ૪૪ બોટલ અને પીકઅપમાંથી ૨.૫૬ લાખનો દારૂ ઝડપ્યો

પ્રતિનિધિ દ્વારા ભિલોડા: અરવલ્લી જીલ્લા એસ.પી સંજય ખરાતના આગમન પછી જીલ્લામાં દેશી-વિદેશી દારૂની રેલમછેલ અને હેરાફેરી નાથવામાં મહદંશે સફળ રહ્યા છે બુટલેગરો અરવલ્લી જીલ્લાની આંતરરાજ્ય સરહદો પરથી વિદેશી દારૂ ઠાલવવા સતત નિતનવા નુસ્ખા અપનાવી રહ્યા છે

શામળાજી પોલીસે અણસોલ ગામની સીમમાંથી કારમાં ગુપ્તખાનું બનાવી ઘુસાડાતો ૩૧ હજારથી વધુનો અને પીકઅપ ડાલામાં વટાણાની આડમાં સંતાડીને લવાતો ૨.૫૬ લાખનો વિદેશી દારૂ ઝડપી પાડી બે શખ્સોની ધરપકડ કરી દારૂની ખેપ નિષ્ફળ બનાવી કાયદેસરની કાર્યવાહી હાથધરી હતી

અરવલ્લી એલસીબી પીઆઈ આર કે પરમાર અને તેમની ટીમ મોડાસા રૂરલ પોલીસ સ્ટેશન વિસ્તારમાં પેટ્રોલીંગ કરી રહી હતી ત્યારે લીંભોઇ નજીક સ્વીફ્ટ કારમાં વિદેશી દારૂની ખેપ થઇ રહી હોવાની બાતમી મળતા એલસીબી પોલીસે લીંભોઇ તળાવ નજીક નાકાબંધી કરી બાતમી આધારીત સ્વીફ્ટ કાર આવી પહોંચતા પોલીસે અટકાવી

તલાસી લેતા કારમાંથી વિદેશી દારૂ-બિયર અને ક્વાંટરીયા નંગ-૫૭૨ કીં.રૂ.૯૭૬૦૦/- નો જથ્થો જપ્ત કરી કાર ચાલક સુમીત હરીશચંદ્ર મીણા (રહે,ખેરવાડા-રાજ)ની ધરપકડ કરી વિદેશી દારૂ,કાર મળી કુલ.રૂ.૨૯૭૬૦૦/-નો મુદ્દામાલ જપ્ત કરી કાયદેસરની કાર્યવાહી હાથધરી હતી.

શામળાજી પોલીસે રતનપુર ચેકપોસ્ટ નજીક રાજસ્થાન તરફથી આવતા વાહનોનું સઘન ચેકીંગ હાથધરતાં શંકાસ્પદ ઝડપ સાથે આવી રહેલી ઇટીયોસ કારને અટકાવી તલાસી લેતા કારના દરવાજાના પડખામાં ગુપ્તખાનામાં સંતાડી રાખેલ વિદેશી દારૂની બોટલ નંગ-૪૪ કીં.રૂ.૩૧૩૦૦/- નો દારૂ જપ્ત કરી.

હિંમતનગર ગઢોડના બુટલેગર મણીલાલ દેવાભાઇ ડામોરને ઝડપી પાડી કાર અને દારૂ મળી કુલ રૂ.૨૩૧૩૦૦/-નો મુદ્દામાલ જપ્ત કરી કારમાં વિદેશી દારૂ ભરી આપનાર રાજસ્થાન કણબઈના ઠેકેદાર સામે પ્રોહિબિશન એક્ટ હેઠળ ગુન્હો નોંધી કાયદેસરની કાર્યવાહી હાથધરી હતી

શામળાજી પોલીસે કારમાંથી વિદેશી દારૂ ઝડપી ગણતરી કરી રહી હતી ત્યારે પીકઅપ ડાલામાં વટાણાની આડમાં વિદેશી દારૂની ખેપ થઇ રહી હોવાની બાતમી મળતા શામળાજી પોલીસ સતર્ક બની હતી રાજસ્થાન તરફથી પીકઅપ ડાલું આવતા પોલીસે અટકાવી.

પીકઅપ ડાલામાં વટાણાના કોથળા હટાવતા પાછળ વિદેશી દારૂની પેટી નંગ-૮૯ કીં.રૂ.૨૫૬૩૨૦/- મળી આવતા પીકઅપ ડાલાના ચાલક કૈલાશચંદ્ર હજારીજી માળી (રહે,દોલપુરા-રાજસ્થાન)ની ધરપકડ કરી પીકઅપ ડાલુ,

મોબાઈલ,દારૂ મળી કુલ.રૂ.૪૫૮૬૨૦/-નો મુદ્દામાલ કબ્જે કરી પીકઅપ ડાલામાં વિદેશી દારૂ ભરી આપનાર રાજસ્થનના શિવપાલ પન્નાલાલ માળી વિરુદ્ધ પ્રોહિબિશન એક્ટ હેઠળ ગુન્હો નોંધી ઝડપી પાડવા ચક્રો ગતિમાન કર્યા હતા.