શાહરુખ ફોટોગ્રાફર્સથી બચવા માટે છત્રી પાછળ સંતાયો

મુંબઈ, આર્યન ખાન ડ્રગ્સ કેસ બાદ એક્ટર શાહરુખ ખાન ખૂબ ઓછો જાેવા મળ્યો છે. ત્યારે રવિવારે ૭ નવેમ્બરે શાહરુખ ખાનની ટીમ મુંબઈના કલીના એરપોર્ટ પર જાેવા મળી હતી. રિપોર્ટમાં એવું જણાવાઈ રહ્યું છે કે શાહરુખ ખાન દિલ્હીમાં એક મીટિંગ પૂરી કર્યા પછી પોતાના પ્રાઈવેટ જેટમાં મુંબઈ પરત ફર્યો છે.

પરંતુ, આ દરમિયાન શાહરુખ ખાન જાેવા મળ્યો નહોતો પણ ૨ લોકો કાળી છત્રી પાછળ છુપાઈને ગાડીમાં બેસવા જતા જાેવા મળ્યા છે. એવું કહેવાઈ રહ્યું છે કે શાહરુખ ખાન નહોતો ઈચ્છતો કે ફોટોગ્રાફર્સ તેના ફોટો ક્લિક કરે. માટે શાહરુખ ખાને તેના સિક્યોરિટી ગાર્ડ્‌સ પાસેથી કાળી છત્રી મગાવી હતી. શાહરુખ ખાન એકલો નહોતો કારણકે ૨ લોકો આ છત્રી પાછળ છુપાઈને ગાડીમાં બેઠા હતા.

અત્યાર સુધી એવું જાણવા નથી મળ્યું કે શાહરુખ ખાનની સાથે ગાડીમાં બેસનાર અન્ય વ્યક્તિ કોણ હતી. દરમિયાન ઘણાં વિદેશી મીડિયા હાઉસે ઈન્ટરવ્યુ માટે શાહરુખ ખાનની ટીમનો સંપર્ક કર્યો હતો. પરંતુ, શાહરુખ ખાને ડ્રગ્સ કેસ વિશે કોઈની પણ સાથે વાત કરવાની ના પાડી દીધી છે.

હવે, આર્યન ખાનના વિવાદિત ડ્રગ્સ કેસની તપાસ એનસીબી એક નવી સ્પેશિયલ ઈન્વેસ્ટિગેશન ટીમને ટ્રાન્સફર કરવામાં આવી છે. શાહરુખ ખાનનો દીકરો વિવાદિત ડ્રગ્સ કેસમાં ફસાયો હતો અને ૨૮ દિવસ બાદ ઘરે પરત ફર્યો હતો. રિપોર્ટ મુજબ, શાહરુખ ખાન હાલમાં જ ૬ નવેમ્બરે મુંબઈથી દિલ્હી ગયો હતો.

જાેકે, આ સમયે શાહરુખની એક ઝલક પણ જાેવા મળી નહોતી. એક્ટર બીજા દિવસે એટલે કે ૭ નવેમ્બરે દિલ્હીથી મુંબઈ પરત ફર્યો હતો. શાહરુખ મુંબઈના કલીના એરપોર્ટ પર આવ્યો હતો. માનવામાં આવી રહ્યું છે કે શાહરુખ ખાન પ્રાઇવેટ પ્લેનમાં દિલ્હી ગયો હતો. જ્યાં તેની કોઈ મિટિંગ થઈ હોવાનું અનુમાન છે. દિલ્હીમાં મિટિંગ પૂરી કરીને શાહરુખ ખાન બીજા દિવસે પરત ફર્યો હતો.SSS