શાહિદ કપૂરની બંન્ને એક્સ-ગર્લફ્રેન્ડ મીરાને પસંદ નથી ?
મુંબઈ: શાહિદ કપૂર અને મીરા રાજપૂત બોલિવુડના બેસ્ટ અને ક્યૂટેસ્ટ કપલમાંથી એક છે. આમ તો આ કપલ અતરંગી છે પરંતુ જ્યારે સાથ આપવાનો વારો આવે છે ત્યારે એકબીજાની હંમેશા પડખે ઉભો રહે છે. વર્ષ ૨૦૧૫માં શાહિદ કપૂર અને મીરા રાજપૂતના લગ્ન થયા હતા. જ્યારે કપલના લગ્ન થયા ત્યારે મીરાની ઉંમર ૨૧ વર્ષની હતી અને સાવ ઓછી ઉંમરમાં તેણે શાહિદની સાથે ઘરને પણ સંભાળી લીધુ હતું. બંને જ્યારે સામે આવે છે ત્યારે લોકોના દિલ જીતી લે છે. કપલ મીશા અને ઝૈદ નામના બે ક્યૂટ બાળકોના માતા-પિતા પણ છે. મીરા રાજપૂત સોશિયલ મીડિયા પર પણ ખૂબ એક્ટિવ રહે છે અને પોતાના પતિ તેમજ બાળકો સાથેની તસવીરો અને વીડિયો શેર કરતી રહે છે.
મીરા રાજપૂત સાથે લગ્નમાં બંધાયો તે પહેલા શાહિદ ઘણા વર્ષ સુધી કરીના કપૂરની સાથે રિલેશનશિપમાં રહ્યો હતો. શાહિદ કપૂર અને કરીના કપૂર અવારનવાર ચર્ચામાં રહેતા હતા પરંતુ રિલેશનશિપ તૂટ્યાના થોડા વર્ષ બાદ કરીનાએ સૈફ અલી ખાન સાથે લગ્ન કરી લીધા. કરીના કપૂર બાદ શાહિદ પ્રિયંકા ચોપરાને ડેટ કરી રહ્યો હતો. શાહિદની બંને એક્સને લઈને એક રિયાલિટી શોમાં હોસ્ટે મીરાને એક સવાલ પૂછ્યો હતો. જેને તેણે સરસ જવાબ આપ્યો હતો.
મીરા રાજપૂતને હોસ્ટે પૂછ્યું હતું કે, તેને શાહિદ કપૂરની કઈ એક્સ-ગર્લફ્રેન્ડ પસંદ નથી. આ સવાલ પર શાહિદ થોડો વિચલિત થઈ ગયો હતો, પરંતુ મીરાએ જવાબ આપતા કહ્યું હતું કે, શાહિદ કપૂરની બંને એક્સ આજે ટોચની હીરોઈનો છે અને તેથી તે બંનેમાંથી કોઈને નાપસંદ કરતી નથી. મીરાનો જવાબ સાંભળીને શાહિદ ખુશ થઈ ગયો હતો અને થોડો પરેશાન પણ જાેવા મળ્યો હતો. શાહિદ કપૂર એકવાર પત્ની સાથે કરણ જાેહરના ચેટ શો ‘કોફ વિથ કરણ’માં પહોંચ્યો હતો.
જ્યાં કરણે મીરાને પૂછ્યું હતું કે, ચીટિંગ, દખલગીરી કરતાં રહેતા સાસરિયા, બેડ સેક્સ અને બોરિંગમાંથી કઈ બાબત લગ્ન તોડવા માટે પૂરતી છે? જેના જવાબમાં મીરાએ કહ્યું હતું કે, તેના સાસરાના લોકો ક્યારેય દખલગીરી કરતાં નથી, ન તો બંને કંટાળી ગયા છે અને ન તો ક્યારેય તેમણે બેડ સેક્સ કર્યું છે, તેથી તેનો જવાબ ચીટિંગ છે. મીરા રાજપૂતનો જવાબ સાંભળીને કરણ જાેહર પર આશ્ચર્યચકિત થઈ ગયો હતો.
