શિવસેના નેતા સંજય રાઉતે એનસીપી નેતા સુપ્રિયા સુલે સાથે જોરદાર ડાન્સ કર્યો
મુંબઇ, આ દિવસોમાં શિવસેના નેતા સંજય રાઉતની દીકરીના લગ્નનો એક વીડિયો ખૂબ વાયરલ થઈ રહ્યો છે. આમાં ખાસ વાત એ છે કે એનસીપી સાંસદ સુપ્રિયા સુલે સંજય રાઉત સાથે ડાન્સ કરતી જાેવા મળી રહી છે. વીડિયોમાં રાઉતની પત્ની વર્ષા પણ જાેઈ શકાય છે.
શિવસેના નેતા સંજય રાઉત આ દિવસોમાં તેમની પુત્રી પૂર્વશીના લગ્નમાં વ્યસ્ત છે. આવી સ્થિતિમાં તેમના ઘરે લગ્નના કાર્યક્રમો અને ધાર્મિક વિધિઓ સતત ચાલી રહી છે.
દરમિયાન, આ કાર્યક્રમોનો એક વીડિયો પણ સામે આવ્યો છે, જેમાં રાઉત ખુશીથી ઝૂલતા જાેવા મળે છે. આ વીડિયો રવિવારે યોજાયેલા રાઉતની પુત્રીના સંગીત સમારોહનો છે. આમાં ખાસ વાત એ છે કે એનસીપી સાંસદ સુપ્રિયા સુલે સંજય પણ રાઉત સાથે ડાન્સ કરતી જાેવા મળી રહી છે. આ વીડિયો સોશિયલ મીડિયા પર જાેરદાર વાયરલ થઈ રહ્યો છે.
પોતાના ધારદાર નિવેદનોને કારણે ચર્ચામાં રહેલ રાઉતની છબી એક ગંભીર નેતાની માનવામાં આવે છે. આવી સ્થિતિમાં તેનો આ વીડિયો જાેઈને ઘણા લોકો આશ્ચર્યચકિત થઈ ગયા છે, તો કોઈ કહી રહ્યું છે કે દીકરીના લગ્નમાં કોણ ખુશ નથી?
રાઉત અને સુપ્રિયા સુલે ‘લેમ્બર્ગિની ચલાઇ જાને હો’ પર ડાન્સ કરી રહ્યાં છે. થોડા સમય પછી, રાઉતની પત્ની વર્ષા અને સુપ્રિયાના પતિ પણ આવે છે અને તેમની સાથે ડાન્સ કરે છે. વીડિયોમાં ઝૂલતા રાઉતના ચહેરા પર દીકરીના લગ્નની ખુશી સ્પષ્ટ જાેઈ શકાય છે.
તમને જણાવી દઈએ કે સુપ્રિયા સુલેએ પણ પોતાના ઈન્સ્ટાગ્રામ દ્વારા પૂર્વીના લગ્નની શુભેચ્છા પાઠવી છે. આમાં તેણે રાઉતના પરિવાર સાથે લગ્ન સમારંભની ઘણી તસવીરો પણ શેર કરી છે.HS